今日天氣幾好, 一早帶咗三隻豬仔去行街街!
今日會係豆b喺我處渡假嘅最後一日喇, 明日同松鼠狗會朋友有個影樓嘅聚會, 大家都會帶狗狗去影番輯寫真, 之後豆b就會跟番佢媽媽, 同媽媽番屋企喇！
諗番隻豬女原來斷斷續續都住喺我度好耐喇, 唔知係咪因為豆b係波波嘅家姐, 我對佢有份愛屋及烏嘅感情, 食嘅用嘅, 一切都會無分彼此, 好自然咁預埋佢果份!
舊年嘅生日會開始, 我屋企就做咗佢御用渡假屋, 每次佢媽媽去渡假, 佢又會黎我處渡假! 可能佢媽媽出門較頻密, 佢番去無耐, 又會番黎; 來來去去咁, 我都好習慣有佢喺我身邊跟出跟入嘅日子; 明日佢番咗去自己屋企之後, 我諗我會有一段時間好唔習慣!
呢個真係我一個好大嘅弱點, 太唔理智, 感情用事! 明知佢總會番屋企架啦, 但要同佢講再見嘅時侯, 都係難捨難離!
真係好佩服果D做寄養家庭嘅, 好似D警犬, 導盲犬, 養大咗狗狗就要同佢哋分開, 我就真係做唔到, 一次又一次咁去衝擊自己嘅感情！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
