 |
| 相片連結 |
每日都keep住同兩隻豬出去行街街, 希望達達唔好有負面情緒! 毛毛嘅生長情況睇嚟都唔可以扭轉局勢, 即使我早發覺, 早跟進, 但似乎都係要跟番舊年嘅路咁行, 如果都係要甩咗先會再生番, 我都感恩嘅, 就當係每年一次嘅大換毛啦, 如果生得番嘅話! 但希望佢唔會又情緒變壞啦, 好辛苦先做到有少少進步咋!
上次去影樓影相, 問朋友S借咗幾張背景番嚟, 諗住自己同佢哋再影過, 因為喺熟識嘅地方, 佢哋無咁緊張, 比較容易控制佢哋情緒; 我好鍾意其中呢個背景, 覺得著住日本和服影好有feel, 托朋友A幫我買咗幾件比佢哋, 不過無燈光效果, 又無專業相機, 唯一優勝只係佢哋會放鬆D, 表情比較有把握啦! 見到達達毛毛開始轉差, 都係趕快影番輯為上算!
不過影相對佢哋黎講, 都唔係一件開心嘅事, 如果唔係一路都有小食哄住, 真係睬我都傻, 隻臭豬波今日仲同我玩祝迷藏, 係都唔肯坐定定, 坐低都不情不願擺臭臉, 走開就騎騎笑, 比佢激死!
上次去影樓影相, 問朋友S借咗幾張背景番嚟, 諗住自己同佢哋再影過, 因為喺熟識嘅地方, 佢哋無咁緊張, 比較容易控制佢哋情緒; 我好鍾意其中呢個背景, 覺得著住日本和服影好有feel, 托朋友A幫我買咗幾件比佢哋, 不過無燈光效果, 又無專業相機, 唯一優勝只係佢哋會放鬆D, 表情比較有把握啦! 見到達達毛毛開始轉差, 都係趕快影番輯為上算!
 |
| 睇佢走開咗個得戚樣! |
不過影相對佢哋黎講, 都唔係一件開心嘅事, 如果唔係一路都有小食哄住, 真係睬我都傻, 隻臭豬波今日仲同我玩祝迷藏, 係都唔肯坐定定, 坐低都不情不願擺臭臉, 走開就騎騎笑, 比佢激死!
多D去街除咗為達達豬情緒鋪路, 都要為隻奀皮仔波波做吓嘢! 波波好鬼麻煩, 好多時喺街上遇到其他狗狗或小朋友, 佢都會吠嘅! 其實去多咗街, 等佢見多D小朋友, 佢已經無吠架喇; 點知前兩日遇到有個小朋友係咁尖叫, 佢又開始發癲喇, 依家遠遠見到D細路, 佢就扯"衡"晒條神經線, 一行近就跳起身係咁吠!
 |
| 一見有小朋友就神經緊張喇! |
我本來諗住遠遠見到有小朋友, 都掉頭走, 費事佢嚇親人哋 , 亦唔想睇人厭惡嘅面色, 但朋友話咁做唔正確, 要比佢接觸多D, 等佢明白小朋友係無惡意, 咁佢就唔會吠喇!
我都知係應該咁做, 之前佢都無再吠啦, 但真係好難預料, 幾時又會聽到突然有小朋友尖叫! 佢對呢類高音頻反應好激, 就會失晒控, 仲要以後一見細路都吠, 真係好頭痛呀!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
