 |
| 達達嘅毛毛暫時無再差落去, 波波嘅毛毛就感覺厚咗光亮咗! |
不過自己煮肉比佢哋, 就要留心幫佢哋補鈣; 因為自煮肉會偏向磷質高而鈣質少, 雖然脫水菜糧都有添加礦物質, 但都有提醒我哋要再補充適量嘅鈣, 以達到磷同鈣平衡!
我唔敢用鈣片, 怕體內鈣質過量不但唔會被身體吸收，仲會導致好多疾病。 例如，髖關節結構不良症、分割性軟骨炎、肥厚性軟骨發育不良症、前肢橈呎骨的變形，另外，仲有非骨科相關疾病例如結石、皮膚鈣質沉著症、心血管疾病、腎臟疾病等等。
但鈣質補充不足，又會出現肋骨外翻，前肢腕關節、肘關節變形，小型犬容易出現“O”形腿，大中型犬會引起前肢嚴重變形。 如果發現不及時，治療不得當仲可能引起永久性的趴爪或跛行及造成骨質疏鬆。而且如果磷同鈣唔平衡, 磷質太高仲會傷害腎臟!
睇咗咁多相關資料, 又越睇越驚, 有D怕自己掌握得唔好, 最怕都係果句"愛佢變成害佢"!
好多謝網友ka同k嘅鼓勵, 叫我唔駛擔心, ka話世事無完美, 只係取其優; 既然見到成績, 就唔應該行番轉頭; k就同我講用蛋殼粉補鈣係好安全嘅天然鈣, 唔駛擔心過量, 而且從狗狗嘅便便都可以睇到, 過多鈣便便會好淺色, 係好似淺到白白哋色嘅, 相反就好深色!
有咗咁多鼓勵, 又信心十足繼續落去, 而且我都唔算盲舂舂亂嚟; 因為菜糧都有一個好清析嘅指引, 有一條方程式比我哋跟隨; 由於菜糧裏面都有添加咗鈣, 用一隻10kg狗狗為例, 佢只要每週再添加2500-3000mg嘅鈣就足夠喇; 咁跟番自己狗狗嘅重量補充就ok喇!
以波波1.9kg嘅體重, 每週再補鈣600mg就好足夠喇, 一茶匙蛋殼粉含鈣1800mg, 咁我比佢大概1/3匙左右就ok啦!
本來用攪拌機磨蛋殼粉真係好方便快捷, 但做咗兩次後, 我個小型攪拌機就報銷咗喇, 急問k用乜嘢去磨粉, 佢建議我買石舂;
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
