 |
| 佢哋好鍾意嘅南瓜茸! |
自從同兩隻豬仔轉咗食肉加菜糧後, 就好少再煮其他菜式比佢哋喇, 基本上佢哋每日都有不同嘅肉類, 變化都好大, 反而我會留心吓比多D湯水佢哋; 每次煲湯, 如果材料係適合佢哋飲用嘅, 一定唔會少咗佢哋果份; 如果唔係, 都會打D南瓜茸比佢哋, 刻意加多少少水, 等佢哋開開心心, 自動自覺咁爭住去飲, 咁就唔怕吸收唔到足夠嘅水份啦!
不覺波波轉糧都有一個月喇, 我覺得佢狀態越嚟越好, 皮毛嘅顏色靚咗, 仲好有光澤, 每日睇住佢都覺得有進步真係好開心; 波波除咗改食homemade, 其他都無嘢改變過, 咁應該係轉糧嘅效果嚟喇 ; 佢體重都keep得差不多, 加減都無超過2%, 算係控制得好好, 原來改食自煮肉類真係唔錯, 好彩知道得唔算太遲, 我有信心佢越嚟越健康!
至於達達豬, 暫時都見唔到好明顯改變, 但慶幸嘅係無變得更差, 希望加添咗隻菇蕈保健品, 再加上優質飲食, 比多D時間, 佢都會有進步啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
