舊病復發?

有朋友問, 係乜嘢原因令達達毛毛又再出現問題? 我同佢一樣, 都好想問, 甚至從去年發覺佢毛毛有異常嘅時候, 我都有問醫生, 係乜嘢原因令佢出問題? 如果單純甲狀腺素低下, 補充番適當藥物, 問題應該可以解決; 而達達食藥後, 驗血結果係病情受到控制嘅!

如果可以有答案, 我唔會焦急, 無助! 可惜嘅係, 呢個係無法解釋嘅一種疾病, 無跡可尋, 無一個特定嘅方向,  無一條軌跡可以跟隨, 所以根本無法預防; 而對於呢種目前搵唔到原因, 唔單純嘅一種病症, 只可以比佢一個病名"alopecia x"!

見到呢個情況, 真係好難豁達咁去接受!

 
可能根本無人會用咁大嘅一筆經費去研究, 一個發生係動物身上嘅病, 而且, 呢個病只影晌外觀, 對佢地身體又唔會有更壞嘅影嚮; 所以, 即使為數唔少嘅動物罹患過相同嘅病, 都只可以有限度咁去搵原因, 之所以有嘗試用非正式動物藥物於呢個病上, 都係愆生於呢個有限度嘅研究!

 


又或者有研究過, 但都搵唔到一個好嘅程式去跟隨, 就如同人類有好多病症, 都一樣係無法根治! 所以其實我做得再多, 擔心再多, 都係無用嘅!

我好明白有咗呢個病, 就隨時會番發, 因為無病因, 無得預防!

我做嘅, 都只係盡人事, 唔想坐以待斃, 希望亂衝亂撞, 有機會撞啱一條出路!

今次我會著重多D照顧佢嘅情緒,  只要佢開開心心, 仍然可以過一D高質素嘅生活, 怕只怕佢哋一樣有感覺, 發覺自己有異於平常, 就會好似上次咁, 好唔開心喇!

無論今次發展落去係點,希望達達都會係一隻開心嘅豬仔!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！