轉糧反應良好

同兩隻豬仔轉咗膳食後, 都會特別留心佢哋有乜嘢變化!
搵到嘅資料係狗狗轉食肉餐初時一般體重都會減輕, 但咁唔代表佢地瘦咗, 只係無咗多餘嘅脂肪, 一段日子後佢地強化番肌肉, 體重就會回升喇!

   
上次同波波磅重, 佢體重無減輕, 反而重咗少少, 我仲諗佢可能無乜脂肪, 所以直接吸收左D營養就肥咗少少, 點知今日再同佢磅重, 佢真係減咗磅喎; 而達達豬都完全轉晒糧喇, 今次磅重結果, 都係輕咗, 不過佢哋都係減咗唔超過2%, 係非常輕微, 所以我一D都唔擔心!

其實轉咗糧後, 一路落嚟都睇到唔錯嘅反應, 今日又發覺佢哋嘅尿尿都清咗; 可能食鮮肉水份比乾糧多, 我多咗比佢哋飲用湯水, 間中又會打南瓜茸比佢哋食, 樣樣加埋佢哋吸收多咗水份, 呢個都係原因之一吧!

  
今日偶然睇到一個blog, 講述一隻芝娃娃因內分泌問題掉光晒毛, 主人都係同佢轉食homemade, 經過咗八個月時間, 狗狗就生長出好靚嘅毛毛喇! 如果吸收良好, 身體強壯, 呢個應該係痊愈嘅主要原因吧!
希望達達如果不幸再次掉毛, 呢個膳食改變都會幫到佢啦!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！