轉糧後嘅改善

依家日日都有菜同肉肉食喇!

波波食脫水菜糧+肉差不多有一個月喇, 頭果兩次佢有試過嘔番D一粒粒嘅蔬菜出黎,可能佢消化唔到啦, 咁我用攪拌機將D菜磨茸, 之後就再無出過問題喇, 而且睇落效果真係唔錯, 除咗毛質變好, 皮膚嘅黑色素淡咗, 仲有一個明顯嘅改善係佢無咗口氣!

我唔可以話佢係口臭,  佢亦唔係常有呢種口氣, 每次當佢有咁嘅情況, 我就會去買杯乳酪比佢食, 因為我認為佢嘅消化出咗問題, 而通常咁樣係可行嘅!



其實一個良好嘅飲食模式, 係唔應該常常出現呢種情況嘅, 希望我搵到正確嘅方向, 加強佢哋身體嘅抵抗力, 咁連牙菌膜都無咁易形成, 就唔駛又要咁快擔心去洗牙嘅麻醉問題喇!

脫水菜 + 肉

喺波波豬一路有正面嘅改善, 達達豬又出現負面嘅情況, 不過網友ka嘅狗狗之前毛毛都係好差, 我係睇到佢狗狗改變咗膳食後, 出嚟嘅效果唔只係滿意, 可以話係令人振奮嘅, 依家達達正朝住呢條路去行, 希望若干日子後, 我都會見到成績啦!

我係唔會放棄嘅, 雖然我都會如常人一樣, 有時覺得有壓力,情緒低落; 但闖難關係我嘅強項, 深呼吸一下, 再嚟過!

兩腿間黑色素明顯好轉!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！