訓練達達豬勇敢D離開圍欄都有兩星期喇, 每日早上放佢入去圍欄嘅尿墊尿尿後, 我都會打開圍欄嘅門, 等佢習慣吓自己行出嚟! 唔可以話佢完全無進步, 但進度真係好慢好慢, 佢只係敢離開圍欄兩三步, 企定定一陣又走番入去!
 |
| 打開門達達會行出嚟, 見到兩隻豬喺度玩就會好激氣, 行番入去先鬧鬼, 鬧到慶晒不自覺走出嚟, 都好, 刺激下佢!! |
 |
| 叫波波傍住佢行吓, 隻仔無耐性嘅, 行得鬼咁快,淨係掛住玩! |
每日中午, 等佢行咗出嚟之後, 我就會關上圍欄嘅門, 等佢無後退嘅路! 雖然睇嚟佢好緊張, 但佢都會行前多兩步, 無以前咁驚到立刻坐低; 有時我會叫波波行過去陪佢一齊行, 佢又會再行多兩步, 不過隻仔好爛玩, 行兩吓就會撩佢玩, 見佢驚騰騰咁就走去搵豆B玩啦, 一D都唔幫手嘅!
我相信只要我堅持落去, 佢一定會有進步嘅, 比多d時間佢慢慢克服佢嘅困難啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
