近來發覺狗狗毛髮唔係幾亮滑, 咁就整多D三文魚佢哋食吓啦, 反正清蒸係最簡單嘅煮法!
材料:
黑芝麻粉: 含有大量嘅脂肪及蛋白質外，仲有糖類、維生素A、維生素E、卵磷脂、鈣、鐵、鉻等營養成分。
鐵和維生素E，係用來預防貧血、活化腦細胞、消除血管膽固醇。裡面含有嘅脂肪係不飽和脂肪酸，有延年益壽嘅作用。常食黑芝麻粉可以健腦益智、延年益壽，係保健佳品呢。
三文魚 : 含豐富嘅蛋白質、維他命A、B雜、D、E、鈣、鐵、鋅、鎂、磷等礦物質; Omega-3S 脂肪酸及DHA，有效保護視力，促進狗狗心臟、腦部發展及關節嘅健康, 並能減低患上心腦系統疾病嘅機會，增強免疫系統和防癌等功效。 豐富的葉酸能幫助製造紅血球，防止貧血；同時係合成核酸的重要元素，維護健康皮膚，讓神經系統、內臟器官及免疫系統嘅正常發育。
青豆: 富含不飽和脂肪酸和大豆磷脂，有保持血管彈性、健腦和防止脂肪肝形成的作用； 青豆含皂角苷、蛋白酶抑製劑、異黃酮、鉬、硒等抗癌成分，對癌症有抑製作用。近日網上有談及青豆對患有食物不耐症嘅狗狗有好大幫助。
做法: 最方便快捷嘅做法, 將三文魚蒸熟, 小心除去魚骨, 青豆煲熟壓成茸, 拌勻白米飯, 最後洒上黑芝麻粉。
