 |
| 比多D時間啦, 佢會行出嚟嘅! |
達達嘅地獄式訓練宣告結束, 經過嘗試之後, 發覺咁做係失敗嘅!
佢不但無進步過, 就連之前試過行得出嚟, 依家都倒退番去從前, 再唔踏出地氈範圍; 除咗佢之外, 連帶其餘兩隻豬仔都受到影嚮!
自從拆開咗個圍欄, 我再無見過波波去佢床仔度瞓覺, 連豆B都好少行過去, 我諗佢地嘅感覺係屋企被人清拆, 無家可歸!
狗狗都需要歸屬感, 需要一個比到佢哋感覺安心嘅地方!
今日幫佢哋重建家園, 明顯見到達達安心好多, 佢反而有行吓出嚟, 我諗, 咁佢會有信心D, 因為有乜風吹草動, 佢可以返屋企嘛; 而豆B同波波又恢復平時咁追逐玩耍, 都係順其自然啦, 欲速則不達!
 |
| 起番間屋, 安樂晒! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
