對轉糧嘅期望

天氣開始轉涼, 同三隻豬仔去街街舒服好多喇, 尤其早上出去, 有小小風吹埋嚟, 好舒服!

不過波波總係好多眼水, 對光線好敏感, 總係瞇起對眼! 其實我有D擔心佢對眼仔有事架, 但睇過兩個醫生, 做過基本測試, 都話無問題, 連入面D血管都無問題, 都唔知點解會咁; 唔知食嘅嘢會唔會都有影嚮呢!

同波波試熟肉加脫水菜糧, 逐步咁試, 暫時進度良好, 起碼便便正常, 亦無皮膚痕癢嘅狀況出現.
希望過度咗呢個時期, 完全轉晒糧後, 佢唔會唔適應, 並且身體越嚟越好, 最希望佢唔會再成日瞇瞇眼啦!

哈哈, 我都係期望太大喇, 不過網友嘅狗狗轉糧後, 連狗狗舔腳仔嘅習慣都無咗, 皮膚再無紅, 咁我咪有多D期望囉!
目前見到佢情況良好, 佢又無唔接受咁食法, 我都幾有信心!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！