9月6日係波波同豆B嘅5歲生日, 同往年一樣, 都同達達豬一併慶祝, 反正都係早兩個月吧! 不過我哋會提早喺今個星期日同佢哋過生日, 方便屋企人唔駛番工嘛!
每年佢哋生日, 我都當係一個大project咁, 會張羅下用乜嘢背景同佢哋影相, 又整D乜嘢點心比佢哋食, 訂邊款蛋糕等....
連工人姐姐都感受到呢種氣氛, 佢都好興奮! 前日佢假期出去, 番嚟嘅時侯, 佢拎咗一包小食出嚟, 送比佢哋做生日禮物!
連工人姐姐都感受到呢種氣氛, 佢都好興奮! 前日佢假期出去, 番嚟嘅時侯, 佢拎咗一包小食出嚟, 送比佢哋做生日禮物!
我睇到佢對班豬仔咁有心, 當然係開心嘅, 但係果包小食我係唔會比佢哋食架; 我買嘅小食一向都只揀一D無添加嘅天然材料, 係自然風乾果種, 佢買嘅當然唔係呢D啦, 佢都唔會有呢種意識啦!
我好婉轉咁話佢聽, 呢類小食有太多添加劑, 對佢哋健康有壞嘅影嚮, 所以我心領喇; 見到佢個樣好失望, 咁我叫佢下次放假去開果間寵物店附近, 問下可唔可以換個玩具啦, 可能無開過, 有機會換到嘅! 仲叫佢以後唔好再買喇, 食入口嘅嘢我好揀擇架!
我好婉轉咁話佢聽, 呢類小食有太多添加劑, 對佢哋健康有壞嘅影嚮, 所以我心領喇; 見到佢個樣好失望, 咁我叫佢下次放假去開果間寵物店附近, 問下可唔可以換個玩具啦, 可能無開過, 有機會換到嘅! 仲叫佢以後唔好再買喇, 食入口嘅嘢我好揀擇架!
我都要好多謝我嘅朋友們, 佢哋好愛錫我班豬仔, 好多時都會買D小食比佢哋; 有朋友又去咗一D店舖, 係好似我哋人類買糖果咁, 自己夾咗再量重量; 當佢哋比呢類小食我, 好開心咁介紹係用乜嘢做, 係天然食材, 我都好為難; 因為我根本無信心!
無清楚列明成份, 出產地, 到期日等等嘅食物, 我真係唔敢比佢哋食架!
如果你哋睇到呢段日誌, 我要同你哋講聲, 真係好多謝你哋咁錫班臭豬仔, 但日後再唔好買呢類零食比佢哋喇, 要買, 就買玩具啦, 哈哈哈.......無清楚列明成份, 出產地, 到期日等等嘅食物, 我真係唔敢比佢哋食架!
起碼都唔會浪費咗嘛, 雖然, 佢哋嘅玩具都裝滿一個大箱喇!
一年真係過得好快, 係365日裏面, 又發生咗好多事!
去年, 安安同樂樂都仲喺一齊食佢哋嘅生日蛋糕, 今年, 就剩番呢三隻豬仔喇!!
 |
| 關上圍欄門, 等達豬無退路! |
 |
| 達達豬叻咗好多喇, 雖然震騰騰, 但總算敢嘗試行出嚟 |
 |
| 豆B會搵細佬玩, 都叻咗喇! |
