地獄式訓練

最鍾意躲喺隧道內!

豬仔達達真係越嚟越叻女喇, 佢勇敢咗好多, 好多時都見佢靜靜咁係圍欄內行到廳嘅中央喇, 不過佢會揀我哋唔喺廳嘅時候! 都係信心唔夠啦, 當佢發覺有人望住佢, 佢就會倒後跑番入圍欄！ 狗狗真係好似人一樣, 佢都怕瘀嘅, 怕比人見到佢失敗!

阿女話開始咗一個月有咁嘅成績其實真係唔錯, 我哋決定開始做進一步嘅訓練, 就係拆開兩面圍欄, 裏面嘅嘢先不作變動, 預咗佢又有一段時間去適應架喇, 但我哋希望佢唔好太依賴個圍欄, 如果唔係佢永遠都比個欄牽制住佢啦！


果然拆開咗圍欄之後, 佢又唔敢行出黎喇, 好在佢都仲敢喺欄內兩頭行, 無影嚮到佢正常嘅活動; 不過又要佢從新學過點去踏出果一步喇, 真可憐!


對佢嚟講呢個都可以算係地獄式訓練喇, 我都明白刻服心理障礙真係仲難過體能訓練嘅!
試下先啦, 如果效果太唔理想, 就整番個圍欄比佢!
等佢再習慣吓先, 我都唔想太急進, 唔係嚇親佢連試都唔試就死（唉, 又黎喇)!!

佢比從前進步, 勇於嘗試!

從前亦曾試過咁做, 佢坐低唔敢企起身嚟!

好彩無影嚮到佢圍欄內嘅活動!

當然有失去信心嘅時候, 咁就縮喺一角!

再差d就一定係躲喺隧道內啦, 佢呢個後盾一定唔可以拎開架!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！