相比起平日, 過節時候都算比較忙; 咁就簡單D買咗罐曠泉水浸嘅吞拿魚, 加少量蔬菜拌飯比佢哋食, 等佢哋唔駛過節都係食乾糧啦!
不過緊記要倒清罐內嘅水份, 我會再用凍滾水略為沖洗; 咁偶然餵佢哋食一次半次, 就無問題啦!
材料:
吞拿魚: 相比新鮮嘅吞拿魚，罐裝產品同樣含有豐富營養。可是，部分罐裝產品嘅鈉質含量極高，長期攝取過量鈉質，不利腎臟健康。購買時要留意鈉質含量，其中鹽水浸與水浸吞拿魚嘅鈉質量差異較大，應盡量選擇水浸類別較為健康。食用時宜先倒掉罐中水分，以減少鈉質嘅攝取。吞拿魚脂肪低、不含糖分，同時富含蛋白質及奧米加三脂肪酸，營養價值甚為豐富，奧米加三脂肪酸有助促進腦部及視力發展。
甘荀: 含有豐富 β 胡蘿蔔素、維他命A、B、C、D、E、K、核黃素、菸鹼酸、鈣、鉀、磷、鈉和鐵，纖維含量極高，其中 β 胡蘿蔔素更有抗氧化及抗癌功效，有效降低膽固醇、降血壓、強心、抗炎及抗過敏等，而且對小狗的眼睛更有良好的幫助。
菠菜: 含有豐富維生素C、胡蘿蔔素、蛋白質，以及鐵、鈣、磷等礦物質。其含有大量嘅植物粗纖維，具有促進腸道蠕動嘅作用，利於排便，且能促進胰腺分泌，幫助消化。菠菜中所含嘅胡蘿蔔素，在人體內轉變成維生素A，能維護正常視力和上皮細胞嘅健康。 維生素C、鈣、磷及一定量嘅鐵、維生素E等有益成分，能供給身體多種營養物質；促進身體新陳代謝：菠菜中所含微量元素物質，能增進身體健康。
唯菠菜所含草酸與鈣鹽能結合成草酸鈣結晶，應盡可能地多吃一些鹼性食品，如海帶; 以促使草酸鈣溶解排出。
