一直擔心自己做homemade diet狗狗會營養唔均衡!
營養過盛, 蛋白質過高, 又會好似上次波波豬咁bun指數過高, 營養不良嘛, 唔駛多講影嚮有幾大, 整個健康系統都拖垮啦!
網友ka因為狗狗健康問題, 佢好想幫狗狗, 不得不踏出呢步, 從飲食去搵出路! 而值得開心嘅係佢發覺效果良好; 好多謝佢願意同我分享, 等我都有信心去做呢個嘗試!
就係用鮮肉(生或熟)去配搭脫水蔬菜糧。
其實市面上有咗呢種蔬菜糧日子唔短, 只不過係我從無去留意! 呢種糧嘅好處係除咗有多種蔬菜, 仲配合有不同嘅草本植物, 從而去達到平衡身體所須嘅維生素及礦物質。
有人可能覺得脫水食品嘅營養價值較低, 寧願去街市買一大堆蔬菜番嚟, 洗淨, 攪碎, 分開多個小盒放進冰格中急凍。
咁做除咗需要好多工序, 最主要係選擇邊種蔬菜去配搭, 先可以做到營養均衡。
而且咁樣放入冰格去急凍嘅蔬菜, 據講大约會有40%-60%營養流失, 比脫水蔬菜更壞。
而且咁樣放入冰格去急凍嘅蔬菜, 據講大约會有40%-60%營養流失, 比脫水蔬菜更壞。
係某網站睇到呢段美國農業部(US Department of Agriculture Research Services Division)曾做過嘅研究, 比較各種蔬菜喺不同保存方法中(包括罐裝, 急凍及脫水)嘅營養流失率;
結果係
罐裝 - 營養流失率 60%-80%
急凍 - 營養流失率 40%-60%
脫水 - 營養流失率 3%-5%
生物科技界公認最可以保持植物新鮮嘅, 係將新鮮蔬菜急速冷凍, 於真空狀態將水份蒸發抽離(把水分由冰, 直接轉化為氣體狀),喺完全不加防腐劑嘅狀態下，完整保持蔬菜嘅新鮮、營養及品質(包括維生素C、E及β胡蘿蔔素等), 無經過高溫處理而打破蔬菜嘅細胞壁, 狗狗就可以吸收到蔬菜全部嘅營養 。
準備食用亦非常方便, 只要加入適當比例嘅水, 即可還原成美味且有齊所有營養素嘅食品。
而喺蛋白質補充方面就係每日加上適量嘅肉類, 一般係狗狗體重嘅2-3%, 視乎狗狗嘅活躍程度作出加減; 再加上適量油份(亞麻籽油、小麥胚芽油、琉璃苣油、三文魚油、麻油, 椰子油)同鈣等, 咁就可以有一個完整而健康嘅膳食!
從此我就唔駛再為"營養均衡"四個字頭昏腦脹啦。
喺我實行呢個嘗試之前, 我上網搵咗好多資料, 有擔心過肉類配合出問題, 而想做另一個選擇!
有另一種脫水糧係配合好蔬菜同肉類, 只要加水就OK喇, 咁就更家簡單; 不過相比起自煮鮮肉, 又稍遜一籌, 當然比起商業乾糧又好上許多啦!
反正我有時間, 我最後決定由最好嘅開始, 先唔好比自己太大壓力, 呢D係膳食唔係用藥, 唔駛太盲目跟住一條程式去行嘛, 慢慢嘗試啦!
如果無時間又想寶貝轉換一種比乾糧更健康嘅膳食, 都可以嘗試吓呢隻同乾糧一樣咁方便嘅脫水糧啦!
昨日比波波豬開始嘗試, 早餐明顯睇到佢唔鍾意, 無平日咁快食完, 但午餐同晚餐就無問題喇!
今日開始我會正式同佢逐步轉糧, 唔敢咁急進怕佢腸胃唔適應, 兩隻豬女就等睇吓波波效果先開始啦!
我用嘅係呢隻脫水菜糧, 大家可以參考吓!
https://www.sojos.com/products/dog-food/sojos-grain-free-dog-food-mix
最後要多謝另一網友K, 肥B媽; 比咗我買肉嘅contact, 等我唔駛使費咁大, 我代三隻豬仔多謝晒你:D
 |
| 又做緊MODEL比途人影相喇! |
 |
| 多謝S幫手, 等班豬仔去街都好似皇帝出巡咁, 有風扇涼住咁舒服! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
