真係好多謝網友Ka同我分享佢狗狗嘅養飼方法! 同時亦為佢高興, 佢終於做出咗成績!
我會好好研究一吓佢比我嘅資料, 然後搵適合嘅用喺3隻豬仔身上, 希望佢地越嚟越身體健康!
依家多咗養狗狗嘅討論平台, 的確對我哋好大幫助, 從中可以認識到唔同嘅網友, 分享到唔同嘅心得; 雖然每個個案都唔同, 亦無一條方程式去跟隨, 因為每隻狗狗體質都唔同, 面對嘅亦係唔同嘅問題; 但至少我哋可以從中去消化內容, 抽取一D合適嘅去應用喺自己嘅狗狗身上.
永遠正確嘅觀念都係, 只要有心, 一定可以解決困難 (呢樣真係知易行難, 要時刻提住自己先得:D) !
網友Ka係一個非常盡責嘅主人, 佢收養咗狗狗無耐, 就發覺到狗狗健康出咗問題, 經歷狗狗做手術, 去照顧術後狗狗等, 其實身心負擔都頗大!
網友Ka係一個非常盡責嘅主人, 佢收養咗狗狗無耐, 就發覺到狗狗健康出咗問題, 經歷狗狗做手術, 去照顧術後狗狗等, 其實身心負擔都頗大!
除咗帶狗狗搵獸醫診症外, 佢仲會上狗狗論壇, 希望搵到不同意見; 我睇到佢上網搵獸醫問症, 網上搵有關貲料, 搵不同方法去幫狗狗, 亦係咁嘅關係, 我係網上認識咗佢!
係呢段期間, 我哋有時會互通email, 去研究, 探討狗狗嘅有關問題, 從飲食, 照顧等等都有所關注; 我唔敢講對佢有任何幫助, 但有一樣, 我堅持比佢嘅訊息係, 唔好放棄, 一定搵到出路!
喺照顧有病嘅狗狗方面, 我都有過經歷, 亦行過同道人都有過, 相同嘅心路!
係呢段期間, 我哋有時會互通email, 去研究, 探討狗狗嘅有關問題, 從飲食, 照顧等等都有所關注; 我唔敢講對佢有任何幫助, 但有一樣, 我堅持比佢嘅訊息係, 唔好放棄, 一定搵到出路!
喺照顧有病嘅狗狗方面, 我都有過經歷, 亦行過同道人都有過, 相同嘅心路!
當你費盡心力, 博晒老命去搵方法, 跟住滿懷希望咁跟進, 但又無得到預期嘅效果, 失望, 再失望......
心裏面有嘅除咗徬徨, 著急外, 就係失落, 沮喪, 失去方向, 跟住想放棄!
呢樣嘢未親身經歷過真係好難想像, 除咗實質上你要負出好多時間照顧狗狗, 都頗為疲累外, 其實我自己覺得最難渡過嘅係調較自己嘅情緒!
好難坦然咁去面對失望, 但事實上, 又要面對一個又一個嘅失望! 情緒低落真係好難免, 但只要唔放棄, 再接再勵, 深呼吸一下又嚟過, 今天之後, 總會有明天!
俗語講得好, 無希望就唔會有失望! 但人生如果無咗希望, 咁就太悲哀喇!
當然, 好多時都會事與願違, 但只要已經盡咗力無放棄過, 就唔需要自責, 亦唔會有遺憾啦!
好難坦然咁去面對失望, 但事實上, 又要面對一個又一個嘅失望! 情緒低落真係好難免, 但只要唔放棄, 再接再勵, 深呼吸一下又嚟過, 今天之後, 總會有明天!
俗語講得好, 無希望就唔會有失望! 但人生如果無咗希望, 咁就太悲哀喇!
當然, 好多時都會事與願違, 但只要已經盡咗力無放棄過, 就唔需要自責, 亦唔會有遺憾啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
