今日煲咗狗狗最愛湯水, 我亦嘗試比少量波波飲用; 自從懷疑佢對雞肉敏感後, 我就無比過佢食雞肉喇! 不過從細佢食嘅糧一直都有雞肉, 過去我亦有蒸雞胸比佢, 都無敏感情況, 會唔會果時皮膚唔好有其他原因呢?
反正依家佢一切正常, 我想再作嘗試, 畢竟雞肉蛋白質豐富, 相比起其他肉類價錢更平, 我唔想否定咗佢! 如果今次真係又搵到問題, 咁就無得唔信喇!
材料:
鮮雞: 去皮嘅雞肉不但含脂肪量低，且所含的脂肪多為不飽和脂肪酸，係理想嘅高蛋白質食品。其亦含鈣，磷，鐵，以及維生素B1、B2、A、C、E、菸酸等, 係非常有益嘅食材。
淮山: 新鮮嘅名為'山藥', 乾嘅名為淮山, 係狗狗有益食物之一。其營養成份甚為豐富，富含多種身體必需胺基酸、蛋白質及澱粉，另具粘液質、尿囊素、膽鹼、纖維素、維生素A、B1、B2、C、及鈣、磷、鐵、碘等礦物質。
杞子: 有補肝益腎, 明目等嘅功能，可以治療肝腎不足嘅視目不明。杞子有抗氧化功能，可以延緩衰老, 過敏引起嘅眼痕淚多，都可以服用杞子。
響螺片: 含有人體所須嘅蛋白質、碳水化合物、鈣、磷、鐵等維生素。
海底椰乾: 有豐富嘅多糖和身体所需嘅氨基酸. 有滋陰潤肺、除燥清熱功效。
瘦肉: 提供優質蛋白質和必需的脂肪酸, 提供血紅素, 促進鐵的吸收, 能改善缺鐵性貧血。
做法: 淮山,杞子,響螺片及海底椰乾等 ,洗淨浸軟備用; 鮮雞洗淨斬開, 去皮及脂肪後同瘦肉一齊稍為拖水, 水滾後放入所有材料, 一大片薑, 煲大概40分鐘後先盛起狗狗飲用部份, 然後加入南北杏, 再煲個半鐘左右就飲得喇!
瘦肉: 提供優質蛋白質和必需的脂肪酸, 提供血紅素, 促進鐵的吸收, 能改善缺鐵性貧血。
做法: 淮山,杞子,響螺片及海底椰乾等 ,洗淨浸軟備用; 鮮雞洗淨斬開, 去皮及脂肪後同瘦肉一齊稍為拖水, 水滾後放入所有材料, 一大片薑, 煲大概40分鐘後先盛起狗狗飲用部份, 然後加入南北杏, 再煲個半鐘左右就飲得喇!
