今日係達達豬正式嘅5歲生日, 雖然兩個月前同波波一齊開過生日會, 但正日嘛, 點都要同佢慶祝下嘅!
今日工人姐姐放假, 我一早起身, 先出去買個壽包仔比佢, 雖然都係像徵式搣少少比佢食, 但好意頭嘛, 希望佢身體健康, 長命百歲!
跟住就動手整番款有益又易做嘅美食比佢哋, 自從轉咗每日都食肉後, 真係好少再特別整餸比佢哋喇!
今日應該會分開帶佢哋出去散步喇, 要我一個帶3隻豬仔真係有D難度, 佢哋依加行慣咗, 要佢哋淨係坐係車上面已經滿足唔到佢哋喇, 一落到街連最唔要行嘅達達豬都會喺度叫, 嘈住要落地, 仲要猛咁抓, 個車網都就嚟比佢哋整穿喇!
波波呢幾日都唔開心, 又唔知佢做乜鬧情緒, 都唔知點解等到達達開心番, 又輪到佢有問題, 希望佢唔係身體唔舒服啦!
都唔理咁多喇, 一於帶佢出去行吓, 等佢釋放咗D唔開心嘅情緒啦!
我諗波波係屬於慢熱嘅, 每次出去開始佢都係唔願行, 但一般都會越行越好; 今日都一樣, 尤其係迎面見到隻大牧羊, 佢就好開心咁跑過去, 牧羊主人見到波波, 好快就掉頭走; 相信唔祇係我養細狗嘅對D大狗特別警惕, 養大狗嘅主人都會避免麻煩吧; 波波見狗哋轉身走, 仲想追上去, 我就拖住佢維持住一定距離, 等佢跟住隻牧羊行! 波波今日又好乖仔喎, 全程無吠過! 今日都行咗有一個鐘, 回程時佢心情好番晒!
 |
| 番屋企時開心番晒! |
最後一轉就係達達豬喇, 好明顯佢已經無之前咁緊張, 雖然信心未夠, 但佢係好想行, 再唔會一落地就爬低喇; 見到佢行果時, 個樣係開心嘅, 真好:)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
