 |
| 波波精神幾好! |
早上又帶三隻豬仔出去散步, 今日天氣好好, 有暖暖嘅陽光, 又唔覺好熱, 幾適合比佢哋曬下! 波波今日好精神, 個樣好醒目, 希望佢今日會叻仔啦!
星期一嘅早上, 無見到有狗, 本來諗住無機會同波波做練習喇; 但真好彩, 竟然比我哋遇到三隻呀!
第一隻係史納莎, 我拖住波波如常咁行, 但就喑地裏留意住波波嘅舉動; 今次波波無好似昨日咁想跑過去, 但佢都有望住狗狗, 神情係戒備狀態, 不過無吠!
跟住就見到有隻臘腸, 同上次嗰隻黑松, 不過今次我無帶波波行過去; 波波好叻仔, 佢繼續行(唔通佢見唔到? 因為隔開都幾遠, 但我都見, 狗狗係咪應該感應到? 佢行得太自然, 攪到我有D唔相信出嚟嘅反應), 無吠亦無特別望過去喇! 同佢行咗45分鐘, 就到豆b喇!
豆b就日日都一樣, 放落地就好似上鍊公仔咁, 係咁往前跑; 因為我認定豆b有社交經驗, 所以從來無擔心過佢; 自己心情輕鬆咗, 唔駛樣樣留意住, 咁樣反而對佢仲好, 因為無負能量傳咗落佢度嘛!
最後到達達豬!
昨日對twins行完上番車仔, 我叫工人姐姐推佢哋行下啦, 等我同達達豬練習; 點知竟不經意咁做咗個實驗出嚟!
達達見到架車仔向前行, 竟然追住車尾, 一口氣無停咁行咗好耐; 今日, 我就試下喺同一條路同佢練習, 唔同佢去老地方喇!
我叫工人姐姐推住車仔向前行, 然後我拖住佢跟喺車後面; 實驗效果係滿意嘅; 起初15分鐘佢較緊張, 垂低咗尾仔, 但過咗無耐, 佢就越行越好, 見到條尾仔放番背上喇!
就等隻豬女跟住個目標先練習, 日後再有進步, 先一樣樣咁撤退啦!
 |
| 今日真係行到索氣, 肯自己飲水喇! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
