 |
| 有家姐陪住一齊行都唔開心! |
平時自己食嘅都唔會親自去揀選, 但買比呢兩隻豬仔就一定要親力親為, 一定要睇過清潔衛生先得, 佢哋係我心目中真係好重要嘅!
為佢哋嘅食糧忙咗一個早上, 然後就準備佢哋午餐; 今日豆B會番嚟, 因為佢媽媽又要出門喇; 今次佢會留係我度直至過咗農曆年; 都無見隻豆成個半月喇, 我諗住等埋佢一齊先出去行街街啦 !
今日條路好靜, 只係喺樓下大堂遇到隻大金毛, 波波好乖無吠! 不過波波心情又唔係好靚, 行下又坐下, 即使我拖埋豆B一齊陪佢行, 佢都行得唔起勁!
 |
| 唔好成日通地坐啦, 少爺仔! |
 |
| 今日隻仔個樣一D都唔開心嘅! |
 |
| 已經日日散步啦, 仲要點做先開心呀?! |
 |
| 豆B都無煩惱嘅, 成日都咁開心! |
路上遇到一隻好激嘅白威, 係咁衝過嚟對住佢哋吠, 佢主人就死扯住佢; 我拖住兩隻豬都怕怕哋佢架; 如果拖一隻見勢色唔對可以一手將佢抱起, 兩隻嘛就難免手忙腳亂, 唔係咁易控制喇; 下次都係要一隻一隻輪住嚟!
雖然隻白威係咁衝前, 但兩隻豬仔都好平靜, 無吠!! 我當然立刻獎勵小食啦, 希望佢地明白媽媽好讚賞佢哋嘅行為, GOOD!
之後, 行咗成個鐘, 一隻狗狗都無再遇到; 世事真係好諷刺, 以前我好怕遇到其他狗狗, 但就總係避唔到, 依家想佢哋有D社交互動, 就唔係咁從心所欲喇; 不過我都會有所選擇, 因為佢哋較細身, 為保佢哋狗身安全, 見到D性格唔穩定嘅狗狗, 我係唔會比佢哋行近嘅!
對孖胎行完就輪到達達喇! 一定要從回舊地, 希望佢會無咁膽怯; 今日豬女行得好好, 同佢拍咗條短片, 番到嚟睇咗不下十次; 一條平平無奇嘅片, 就只係見到達達喺度兩頭行, 但對我就意義重大, 我睇得好開心, 快樂原來可以好簡單!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
