表現異常

兩隻豬無交流, 波波明顯無晒心機

相信大家養狗狗嘅心態, 會係大同小異; 只要佢哋食得瞓得, 玩得拉得, 我哋就會心安理得, 但原來唔係咁簡單!!

琴日波波突然神態有異, 我都好唔放心, 到咗今日佢都無好轉, 我都唔明發生過乜事? 佢除咗無晒心機, 仲表現得好驚慌咁, 佢好迴避同我面對面, 如果硬來佢會驚到震; 抱住佢又會覺得佢繃緊晒, 掂下佢仲會叫添!  究竟佢遇到乜嘢驚嚇? 還是佢身體有唔舒服, 但我唔知?
我反省過一千次, 我有無好惡死鬧過佢, 唔覺有; 當然更唔會打過佢啦! 但佢嘅表現好明顯係有唔妥, 因為佢連達達都好抗拒, 不但無同佢玩, 連行近都唔願意!  呢個係好反常嘅現像, 佢一向都好鍾意達達嘅!


老公同阿女都覺得佢係有唔妥, 老公叫我同佢去睇醫生, 但我都唔識點講比醫生聽, 佢係咪有病! 因為我完全搵唔到佢有實質嘅病徵, 但佢改變得咁突然!!先假設佢身體唔係有病(因為佢無疴嘔, 肚瀉, 發燒, 咳嗽, 流鼻水; 大, 小便, 胃口正常), 咁我明顯做咗一件好錯嘅事!


姑勿論佢有無受到驚嚇, 但原來我抱住佢不停安撫佢, 係完全做錯晒, 因為我都覺得越安撫, 佢表現越緊張; 剛喺網上搵到嘅資料, 希望會幫到我, 我會試吓咁做! 希望我放鬆D, 佢都會唔再驚啦!


狗主們，當你的狗狗害怕時，你會有什麼反應？你會緊緊的抱著狗狗安撫他，叫他不要害怕；還是你會裝作若無奇事，表現冷靜？

假如你是前者，太好了，你是一個十分愛錫你狗狗的主人，但是卻有點用錯方法了。後者呢，恭喜你！你的方法十分正確，故作冷靜可以幫助你的狗狗更快的冷靜下來！
今天，想跟大家分享一下主人可以如何幫助狗狗面對‘害怕’。
首先，請緊記當狗狗害怕時我們反而要更加冷靜，千萬別抱著狗狗不停地安撫。因為狗狗是依靠著我們，假如我們不停的安撫狗狗，會令狗狗們覺得這真的是一件十分令人害怕的事，連主人（領袖）都表現得如此驚慌，作為小狗的他們，怎能不害怕呢！

緊記：當狗狗表現得害怕時，我們應該表現得更冷靜，令狗狗明白其實他不需要害怕。


  

好香嘅香蕉milkshake

琴日燉南瓜剩咗少少寵物奶, 加半隻香蕉做咗個香蕉milkshake比佢哋, 因為食咗肉糧後, 我覺得佢哋便便稍乾及硬, 希望食呢個有D幫助啦!
波波豬又好好胃口喎, 食完仲去舔埋達達個兜, 剛剛覺得佢轉糧後有咁好嘅改善, 又要嚟搵D嘢比我擔心, 真攞命!

兩隻豬仔一樣咁鍾意食, 波波胃口完全正常

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！