再接再勵, 帶兩隻豬仔進行散步訓練; 今次一架車仔同兩隻豬一齊落去, 但分先後次序行, 咁有一個好處係達達見到波波行, 會激起佢都想行嘅勇氣!
今日波波狀態麻麻, 唔係好願行, 不過佢每行一小段路, 我都有比小食獎勵, 咁都叫成績唔錯!
 |
| 唔係好願行！ |
由於今日係星期日, 多咗人出嚟溜狗, 如果係往日, 我一定唔會比佢哋落地, 甚至根本唔會帶佢哋出去, 為咗要避開遇到其他狗狗; 但今日, 我叫自己冷靜!
首先遇見嘅係一對帶住隻唐狗嘅男女, 其實見到隻唐狗體型大過波波咁多, 我都有D驚架, 不過見到有拖住繩, 我就放心D, 我唔想自己太緊張影嚮到波波, 所以我拖住波波繼續行前, 不過波波越行近就越緊張, 仲開始大聲吠!
 |
| 離遠見到隻唐唐, 佢開始緊張! |
我唔想"no"佢, 睇咗好多練犬師嘅文章, 都話成日no,no, no 係好差嘅教法, 佢吠都係緊張, 見到狗哋大佢咁多, 本能保護自己！
但佢咁吠法, 我怕隻大狗主人唔開心, 所以首先同佢哋解釋波波好少散步, 近日仲有少少情緒問題, 我正嘗試緊幫佢; 本來隻唐狗見波波係咁衝前吠, 佢都向前衝過嚟, 但佢主人聽咗我解釋, 佢哋好好人, 叫隻唐狗距離波波兩尺前坐低, 等波波習慣狗哋係無惡意嘅!
波波見狗狗坐低咗, 佢開始無咁緊張, 又喺遠距離自己坐低; 咁兩隻狗狗就隔空對望, 過咗一陣, 佢哋就帶隻唐狗走喇, 而波波再無大聲咁吠喇! 真係多謝呢對男女嘅幫忙!
跟住再行, 突然迎面跑緊嚟一隻放咗繩嘅poodle, 因為poodle體型唔大, 我唔怕佢會傷到波波, 如果係一隻放咗繩嘅大狗, 我一定會抱起波波!
我拖好波波企定, 睇吓隻狗狗會有乜嘢行動, 今次好好彩波波無再吠, 隻poodle跑到過嚟就圍住波波係咁聞, 再無其他行動喇, 但波波都係有D緊張!
呢個時侯poodle嘅主人就行到嚟喇, 我都同佢解釋波波嘅情況, 佢都覺得波波有D緊張, 就叫開隻poodle, 仲叫我慢慢嚟, 小心唔好比大狗嚇親佢! 咁我就拖住波波繼續行, 隻豬仔就擰轉頭吠番狗哋喇, 臭豬仔!
今日真幸運遇到兩對咁體諒嘅狗主! 不過老實講, 我都係唔贊成放繩嘅, 萬一佢哋打起上嚟, 要拉開都會有困難, 為人為己, 希望所有狗主自律, 大狗細狗都好, 都係拖番繩啦!
同波波行咗半個鐘左右, 就輪到達達喇, 佢同作日差不多,都係只肯行幾步, 我都預咗佢需要更多時間適應, 欲速不達, 我會慢慢繼續落去!
我拖好波波企定, 睇吓隻狗狗會有乜嘢行動, 今次好好彩波波無再吠, 隻poodle跑到過嚟就圍住波波係咁聞, 再無其他行動喇, 但波波都係有D緊張!
呢個時侯poodle嘅主人就行到嚟喇, 我都同佢解釋波波嘅情況, 佢都覺得波波有D緊張, 就叫開隻poodle, 仲叫我慢慢嚟, 小心唔好比大狗嚇親佢! 咁我就拖住波波繼續行, 隻豬仔就擰轉頭吠番狗哋喇, 臭豬仔!
今日真幸運遇到兩對咁體諒嘅狗主! 不過老實講, 我都係唔贊成放繩嘅, 萬一佢哋打起上嚟, 要拉開都會有困難, 為人為己, 希望所有狗主自律, 大狗細狗都好, 都係拖番繩啦!
同波波行咗半個鐘左右, 就輪到達達喇, 佢同作日差不多,都係只肯行幾步, 我都預咗佢需要更多時間適應, 欲速不達, 我會慢慢繼續落去!
 |
| 雖然都唔係好肯行, 但神態唔太緊張! |
番到屋企, 同佢哋清潔梳毛檢查完, 開咗狗狗CD陪佢地瞓覺豬, 我先覺得自己累死死, 日日咁攪, 唔駛一個月一定減晒磅啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
