放狗唔拖繩好有型嗎？
 |
| 等緊獎勵零食 |
上個週末帶佢哋出去行街, 無太多人同狗, 咁今日諗住都ok嘅, 而且今日回暖, 又有少少太陽, 感覺好舒服, 食完午飯就出發喇!
波波行街已經完全無問題喇, 即使佢遇見其他狗狗, 都唔會亂吠; 今日我拖住佢行, 迎面遇到有狗主拖住隻哥基, 都相安無事, 好平靜擦身而過, 又遇到拖住繩嘅貴婦, 不過隻貴婦就想衝過嚟, 波波都想衝前, 我哋分別hold住條拖帶, 等佢哋冷靜D先慢慢行過, 一路都幾好嘅, 諗住轉落下一條路就輪到達達學行喇!
 |
| 見到其他狗狗都好平靜, 叻仔! |
點知一轉入下路, 遠處就見到一隻放咗繩嘅大狗, 好大隻呀; 唔好話我帶住佢哋驚有意外, 就算我自己行街, 見到咁大隻放繩嘅狗, 迎面跑過嚟, 我都會好驚呀! 立刻抱起波波放落車仔, 無晒mood再行喇!
真係唔明點解D人咁自私, 呢度唔係狗公園又唔係郊野公園, 咁大隻狗放繩任佢喺馬路邊跑, 點解唔為吓其他人諗諗, 真係幾得人驚嘛, 如果果D好驚狗嘅人, 一定嚇死, 我養緊狗, 見到咁大隻狗迎面跑過嚟, 個心都跳晒! 而且都要為隻狗安全著想啦, 馬路邊嚟架!
無辦法唯有轉移陣地, 去過第二度啦, 今日達達都要練習嘛;今日達達又比琴日好, 一放佢落地就起步行, 我放埋波波落去壯吓佢膽, 佢真係行得好咗, 希望佢繼續有進步啦!
 |
| 兩隻豬仔今日表現都唔錯! |
 |
| 行得好過昨日! |
 |
| 又係派小食時間喇! |
 |
| 達達豬好開心呀! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
