最近喺網上討論版又睇到有狗狗中咗牛蜱熱, 有好多回應; 我對呢樣嘢, 剛開始放寬咗嘅心情, 又再次緊張起嚟!
最近有網友帶狗狗去數碼港玩, 見佢post嘅相片, 狗狗喺草地上真係跑得好開心, 唔單只係佢, 仲有其他朋友狗狗嘅相片, 都激發起我都想帶幾隻豬仔去草地, 比佢哋跑吓; 但依家睇完咗呢類討論, 我再度猶豫起嚟!
討論牛蜱熱連結
關於牛蜱熱, 我嘅理解係全無辦法預防, 如果比隻蜱咬到, 唯一就係希望隻蜱唔係帶住病菌, 唔會傳咗細菌比狗狗, 咁佢就唔會中招, 根本好被動嘅!
一直都知道, 狗狗身體好, 免役系統強壯嘅話, 就算不幸惹到病菌, 都未必會病發, 只係終身帶菌; 同狗狗滴藥, 將毒藥長期注入狗狗血液, 只會打擊佢免役系統, 削弱佢防禦能力, 同加強佢嘅抵抗力, 做法好似有D自相矛盾, 背道而馳!
滴頸毒藥進入狗狗血液, 日積月累, 會唔會傷害健康? 做成嘅傷害未必一朝一夕見到, 但既然無預防發病作用, 有必要咁做咩? 我好唔明, 好疑惑!
自從波波細個用滴頸藥, 引發佢肝臟受損, 我就再唔用呢類藥物喇, 同佢哋出去, 我一直都係噴洒一D天然防虱, 防蜱嘅噴劑, 可能效用唔太強, 但總好過長期比毒藥落佢哋身體; 不過我每次同佢哋出完去, 番屋企一定小心檢查, 希望可以減低中招機會! 剛同狗狗出去散步, 都係同佢哋洒天然預防噴劑, 至於跑草地, 要承擔咁大風險, 係咪值得去博? 我真係好驚喎!
今日波波又曳曳, 見到隻貴婦又吠又撲, 我同狗狗主人解釋, 希望佢唔好介意我利用佢狗狗做練習目標; 佢唔反對, 仲叫我試多幾次; 我拖住波波來回喺隻貴婦身邊經過, 佢每次都撲同吠, 我就照扯佢行, 其實咁做我好心痛架, 又怕強行拉扯會傷到佢, 真係洩氣!
工人姐姐叫我比佢試下, 佢話波波read到我唔捨得, 佢蝦我; 果然由佢拖效果好好多, 波波雖然都會扯住要過去, 但來回幾次佢已經唔吠亦無扯繩喇!
再嚟一隻白威, 個仔又係咁, 今日都唔知發生乜事, 咁唔順利; 對方主人見我一路教波波, 仲話我咁做狗狗會唔開心, 由得佢吠啦, 唔緊要! 又係一個慈母多敗兒嘅典範!
今日好有挫敗感, 無咗信心可以教好波波, 佢認定我係阿四, 點做佢領袖?
滴頸毒藥進入狗狗血液, 日積月累, 會唔會傷害健康? 做成嘅傷害未必一朝一夕見到, 但既然無預防發病作用, 有必要咁做咩? 我好唔明, 好疑惑!
自從波波細個用滴頸藥, 引發佢肝臟受損, 我就再唔用呢類藥物喇, 同佢哋出去, 我一直都係噴洒一D天然防虱, 防蜱嘅噴劑, 可能效用唔太強, 但總好過長期比毒藥落佢哋身體; 不過我每次同佢哋出完去, 番屋企一定小心檢查, 希望可以減低中招機會! 剛同狗狗出去散步, 都係同佢哋洒天然預防噴劑, 至於跑草地, 要承擔咁大風險, 係咪值得去博? 我真係好驚喎!
今日波波又曳曳, 見到隻貴婦又吠又撲, 我同狗狗主人解釋, 希望佢唔好介意我利用佢狗狗做練習目標; 佢唔反對, 仲叫我試多幾次; 我拖住波波來回喺隻貴婦身邊經過, 佢每次都撲同吠, 我就照扯佢行, 其實咁做我好心痛架, 又怕強行拉扯會傷到佢, 真係洩氣!
工人姐姐叫我比佢試下, 佢話波波read到我唔捨得, 佢蝦我; 果然由佢拖效果好好多, 波波雖然都會扯住要過去, 但來回幾次佢已經唔吠亦無扯繩喇!
再嚟一隻白威, 個仔又係咁, 今日都唔知發生乜事, 咁唔順利; 對方主人見我一路教波波, 仲話我咁做狗狗會唔開心, 由得佢吠啦, 唔緊要! 又係一個慈母多敗兒嘅典範!
今日好有挫敗感, 無咗信心可以教好波波, 佢認定我係阿四, 點做佢領袖?
豆b如常一樣, 佢係一隻慣咗無束綁嘅狗狗, 所以佢唔識上咗繩跟喺我腳邊行, 一落地就係咁向前跑, 都係唔太理想, 不過比起其他兩隻豬, 佢嘅問題係微細到我唔應該諗得太理想化喇!
今日都係比達達豬同一條路學行, 佢又係初段較緊張, 垂晒尾, 熱身後就有好轉, 但都要靠架車仔引領!
我明白教番好佢哋唔容易, 要反覆練習好多次, 一日做啱唔可以當佢哋已經學識咗, 但真係好洩氣, 好辛苦呀!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
