天氣真係轉涼咗, 帶佢哋散步好大風, 豆b有少少鼻水添; 不過呢隻女一向有鼻敏感, 一到冬天就要格外小心喇!
雖然大風, 但波波同達達都ok嘅, 因為仲同'凍'字未扯得上關係, 但豆b我唔敢博喇, 都係同佢著番件薄嘅裙仔擋擋風啦; 呢個唔知係咪佢媽媽成日貪靚, 同佢打扮著慣衫啦, 佢比較怕凍!
今日出去嘅時間剛好遇到學校放學, 一大群小學生湧出條路, 我拖波波行埋一邊, 等佢習慣下見D小朋友, 希望見多D佢以後再唔會吠人哋啦!
不過依家有D細路真係好曳, 無端端係我哋後面大叫一聲, 我都比佢嚇咗一跳, 好彩有拖實波波, 因為隻仔本能受驚就衝向前啦; 仲有D就睇得出惡意想拍打波波, 我當然保護個仔唔會比佢地掂啦, 真可惡:(
有個伯伯抱住個剛學行嘅bb, 都過嚟用隻手仔指住波波, 唔知講乜bb話, 係度咭咭笑; 我當時好驚波波如果突然吠就死, 驚嚇親bb嘛, 不過隻仔好乖, 比bb摸, 亦無吠!
其實狗狗都好講理, 佢feel到你唔係想傷害佢, 佢都唔會發難嘅, 最衰係遇到D奀皮仔, 係度挑釁, 咁就麻煩; 嚇過佢一次佢就好記得, 逢細路都吠, 又有排調較!
三隻豬仔分段咁行, 一隻行完再一隻, 真係起碼要用兩個鐘以上, 仲要番去小心檢查, 抹身梳毛, 真係用上唔少時間; 唔怪得近來我總係好似好忙咁啦!
 |
| 呢度真係超大風呀, 就嚟連隻豬仔都吹起喇! |
 |
| 達達有進步, 因為呢種地唔滑, 屋企磚地仲未敢行!其實太大風佢學行都有個阻力, 但要靜, 又要揀地嘅質感, 無法! |
 |
| 呢段路有少少陽光, 無乜風! 但係馬路旁, 都會有行人, 暫時未適合達達! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
