杞子燕麥魚蛋 (附豬仔為食相)

今日係達達豬生日, 我特別為佢做咗呢款美食比佢加餸, 自從佢哋食咗肉同菜糧後, 都好少再整餸比佢哋喇!

今日呢個餸有益又易做, 佢哋好鍾意食架!

材料:

龍利魚柳一條, 杞子半湯匙, 即食燕麥片適量.

杞子: 明目補眼力, 人同狗狗一樣咁有益, 除咗補眼, 亦補腦, 補肝腎; 性質溫和, 對狗狗補而不燥!

龍利魚: 能鞏固細胞膜, 有助肌肉和骨酪的健康, 增強身體免疫力, 有抗癌功效及能降低體內壞膽固醇的數量, 更對減慢腎衰竭都有肯定的幫助.

燕麥:  提供了必須的氨基酸, 能改善毛髮和皮膚健康, 有效降低膽固醇及防治心臟病.

做法: 杞子洗淨用熱水浸10分鐘, 隔走水份備用; 龍利魚柳洗淨印乾水份, 放入攪拌機打成魚肉醬, 加入杞子打勻, 逐少拌入燕麥片, 直至不黏手為止.
將魚肉醬搓成小圓球, 隔水蒸10 - 15分鐘, 再放入焗爐稍為烘香即成.