 |
| 佢情緒明顯無琴日咁繃緊! |
唔怪得有練狗員話, 訓練狗狗唔難, 要教好狗狗主人仲難, 教狗不如先教主人! 狗狗係好單純直接嘅小動物, 其實只要主人配合, 做出一D適合嘅改變, 唔好將人類嘅思想太代入狗狗度, 真係可以幫到狗狗嘅, 我今日真係領悟到呢句說話嘅真實性!
琴晚係網上收到料後, 我已經決定今日無論波波表現幾唔妥, 我都會當無事一樣(當然暗地裏我都會留意, 其實佢身體有無唔舒服啦)!
今日早上, 波波都係悶悶不樂咁嘅樣, 但我無理佢, 再無好似琴日咁抱住佢細細聲問佢做乜唔開心, 一於做番平日嘅嘢, 比佢哋食早餐, 跟住照常梳毛等等!
但我有留意佢去尿尿嘅情況, 因為便便我可以清楚睇到, 但如果佢有尿尿唔暢順, 唔留意真係唔知! 雖然話唔可以溺愛, 但總唔可以忽略咗如果佢真係有病嘛!
確定佢身體無出問題, 食早餐都好開胃, 我就決定進行第二個改變!
午飯後, 如常同佢哋去街街, 不過今次我比波波落地自己跑, 希望佢可以釋放咗D負能量, 我要學習養狗狗唔同養BB, 太保護佢未必係好事; 今日佢未係好習慣, 我無逼佢行好耐, 行咗兩條街佢唔肯行我就抱番佢上車仔, 番嚟比佢哋飲完湯, 就去瞓覺喇; 但我感覺佢無琴日咁不安, 雖然未係100%同平日一樣, 但都叫有咗進步, 只要佢唔係身體有病, 我會堅持咁做落去!
希望達達都可以有改進啦, 雖然呢隻豬真係好頑固, 放佢落地佢點都唔行, 仲即刻坐低; 對佢我真係無太大信心, 因為喺屋企佢都未行到, 不過佢都唔係無進步, 可能我無上次咁緊張佢生毛毛嘅情況, 佢情緒並無變壞, 毛質亦無惡化, 仲好似開始有改善添, 希望兩隻豬都繼續有進步啦!
 |
| 實驗結果都幾正面, 佢睇嚟都幾開心 |
 |
| 覺得佢毛毛生長開始有改進! |
 |
| 行完街飲咗湯瞓覺豬喇! |
 |
| 瞓醒心情都唔錯噃! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
