 |
| 聽緊音樂嘅波波! |
經過咗幾日嘅散步訓練, 波波壓力得以舒緩, 佢已經好番七七八八喇, 今日見到佢有同達達玩喇, 原來散步對佢哋作用咁大, 真係從來都無諗過! 不過今日自己要去補牙, 天氣又唔好, 睇嚟都要暫停一日喇, 希望唔會有問題啦! 今日無得去街街, 就開番隻狗狗音樂等佢地鬆弛吓啦!
出開去就順便行下citysuper, 睇吓有乜好嘢啱佢哋食, 見到有呢款北海道納豆昆布, 就買咗番嚟!
一向都知道食納豆對人同狗狗都好有益, 日本獸醫學博士'須崎恭彥'編著嘅"狗狗手工料理食典", 都建議比狗狗食用, 但個人就好怕果種味, 見到呢款又有納豆又有昆布, 好似好啱佢哋, 昆布有豐富碘質, 對甲低有幫助, 比少少佢哋食應該唔錯, 不過我又唔識日文, 唔知有無加調味, 明日自己試咗味先, 再決定比唔比佢哋食啦!
 |
| 達達聽住音樂瞓覺豬! |
 |
| 波波都聽到瞓埋! |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
