 |
| 希望快D好天氣啦! |
今日又係落雨, 都唔知幾時先可以去行街街喇; 本來停咗雨都可以比佢哋行一轉嘅, 但可惜佢哋未係好習慣, 好多時行幾步又會坐低, 由其係達達, 仲要爬低添, 咁整到成身又濕又污槽, 都唔知沖唔沖涼好喇, 又唔可能次次沖涼, 唔沖涼點可以上我床瞓覺呢, 都係坐車仔遊吓花園算喇!
 |
地下一氹氹水, 都係唔好行喇!
|
 |
| 成身毛, 濕咗又唔可以抹吓就算! |
波波恢復正常後, 佢原本性格又出番嚟喇, 琴日見到小朋友都無吠, 今日見到小朋友同其他狗狗又吠喇, 真係尷尬; 我發覺佢通常都係坐車仔先會吠嘅, 如果我手抱佢, 佢就一定唔會吠, 佢自己行呢, 就睇情況, 又唔係一定吠, 同佢一齊參加狗友嘅gathering呢, 佢又唔會吠其他狗狗喎, 真係唔明佢諗緊乜嘢!
等我睇晒本書先, 睇下吸收到幾多再算啦!
琴日試吓包納豆昆布, 好彩係無加調味, 咁我可以放心比佢哋食喇, 不過浸咗熱水後, D水都滑潺潺, 好有納豆feel, 好彩無調味可以餵佢哋食, 唔係叫我食咗佢就死得喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
