入冬後, 天氣真係涼咗, 可以拎angry birds床仔出嚟用喇, 依家我見佢哋自己走入床仔瞓, 我都會開咗狗狗音樂比佢哋聽, 等佢哋relax D; 不過來來去去都係果十零隻音樂, 聽到我都悶晒, 所以去買多咗一套CD, 呢套超值呀, 雙CD單碟價, 聽落自己都平靜咗; 如果話主人情緒係直接影嚮到佢哋, 咁自己平靜D都應該會帶嚟正面效果吧!
 |
| 呢套碟共有28首音樂, 有好熟識嘅moon river, those were the days, autumn leaves, somewhere over the rainbow 等等, 好好聽呀! |
除咗聽音樂調整佢哋嘅情緒, 我唔敢偷懶喇; 每日都持續帶佢哋出去散步; 睇過好幾個dog trainer嘅blog, 無論佢哋教狗狗用上乜嘢方法, 但有一個共同點, 都係話一定要同狗狗去散步;一來要做適當運動舒緩壓力, 二來主要比佢哋接觸多D外面不同嘅人聲, 車聲, 用佢哋4隻腳仔踏喺地上, 我諗同坐喺車仔上感受會係完全唔同!
為咗唔駛上上落落咁多次( 因為試咗兩日, 我真係覺得好攰), 都係同工人姐姐一齊出發, 先留達達係車仔上, 佢推住車仔比達達睇我同波波先行, 波波今日表現超好, 一直行喺我腳邊, 同我步伐配合得好好, 超水準行咗30分鐘, 咁當然一路都要有零食獎勵啦!
輪到達達呢, 企落地明顯比往時有進步, 無垂低條尾, 不過要開步行就仍然好緊張, 要坐低個身咁行, 比上次差咗, 仲要一路都要用零食誘導, 不過佢都行咗好耐!
每日同佢哋行呢個鐘, 最辛苦就係同達達行呢個環節, 但又唔可以心急嘅, 只要佢肯嘗試, 都係一個進步喇!
 |
| 昂起頭企幾有型呀! |
 |
 |
| 一開步行就好緊張喇! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
