 |
| 等佢哋三個靜靜哋玩吓啦! 相片連結 |
加咗prozyme比豬仔食都大概有10日喇, 網友ka話效果好好, 問我有無見到改變! 老實講真係無明顯唔同, 不過佢提醒我唔好加太多, 唔係會有軟便.
自從同豬仔轉咗食肉後, 佢地嘅便便都好乾同硬, 佢哋無少咗飲水, 我又適當咁加咗油份, 正苦惱應該點做; 既然ka咁講, 我就試吓加多少少prozyme比佢哋. 今日, 終於見到效果喇, 佢哋嘅便便靚晒(哈哈, 好變態); 原來酵素真係有作用嘅, 可能仲有其他方面嘅改進, 不過無咁明顯, 所以我觀察唔到!
ka有加一隻脫水豆腐比佢狗狗食, 佢話可以加多D鈣, 喺食物中吸收好D; 本來我都有比豆腐佢哋食, 但就一星期一次啦, 網上話狗狗唔好食得太多!
呢隻脫水豆腐好處係用幾多加幾多, 唔似新鮮果D, 唔留得易變壞; 我可以少量咁比多幾次, 等佢哋容易D吸收.
石臼豆腐有兩種配料, 紅蘿蔔同海藻, 我為佢哋選咗海藻:)
 |
| 波波今日狀態唔錯架! |
一 路落嚟波波行得好好, 轉咗落下一條街, 果度係狗狗聚腳點, 當見到隻大西摩, 佢就失控喇; 我無諗過比佢行埋去, 因為佢哋體型太懸殊喇, 但我想佢學習吓唔好見狗就吠啦; 我hold住佢, 想佢冷靜吓, 但佢完全唔受控制, 又吠又撲, 西摩主人話波波見到咁大隻狗, 佢驚所以用把聲示威喎, 真係多學問!
擾攘咗一陣, 繼續往前行, 遇到隻八哥, 佢又嚟喇; 隻八哥比佢撩到火起, 就同佢鬥吠! 我自問真係一D都無緊張啦, 又唔係大狗, 唔應該係我影嚮到佢喎, 點先可以令佢唔好咁激動呢? 又撲又吠, 完全無進步嘅!
跟住再遇到隻貴婦, 臘腸, 佢又係咁撲, 都出咗咁多次街啦! 有人話佢惡死, 又有人解釋話佢唔係惡, 係驚; 我比佢攪到索晒氣, 放番佢上車, 到豆b行喇!
 |
| 請對方幫忙拉好狗狗, 比佢哋短距離接觸! |
同豆b行就舒服好多, 佢唔會亂吠亂撲嘛; 無幾耐又遇番隻西摩, 豆b真係見慣大場面, 一D都唔驚; 西摩主人話隻狗狗唔會咬嘅, 唔駛驚! 我請佢幫忙拉實狗狗, 唔好行太近, 比佢哋相隔一個短距離認識對方; 老實講呢個已經係我嘅極限, 隻狗咁大, 我唔敢比佢掂到豆b架!
再向前行, 離遠見到有兩個工人姐姐, 帶住放咗繩嘅芝仔同貴婦, 果度有圍欄, 好多人都會放繩比狗狗跑嘅, 不過我一定唔會咁做!
我見唔係大狗, 就放埋波波落嚟, 等佢同豆b一齊, 學習吓點同狗哋相處; 隻芝仔一見波波就吠喇, 波波又點會示弱呢, 又吠過, 隻貴婦就比佢哋嚇死!
 |
| 達達豬好叻女呀, 跑快D! |
過咗一排, 總算安定落嚟喇, 本來想比達達豬落地玩吓, 不過佢一直往後縮, 我唔勉強佢喇, 未係時候啦!
等佢地混熟咗, 又要帶達達去老地方練習喇; 隻豬女見到熟識嘅環境先放心行, 佢今日仲開跑添! 見佢咁開心, 就等佢同波波, 豆b玩一陣啦; 雖然佢依家都局限喺一個地方先敢行吓, 但同之前相比, 係好大嘅進步喇, 我會同佢一齊努力落去!!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
