今日再帶佢哋去街街, 一於朝住目標進發!
波波今日整個上午表現比琴日更好, 我以為佢無晒事啦, 點知到咗下午, 又覺得佢緊張起嚟, 可能佢真係遇到一D令佢好驚嘅事, 唔可以叫佢一下子忘記, 唔再特別作出安撫, 就當無事一樣; 如果我繼續用安撫嘅方法, 一定會越嚟越惡化!
 |
| 狀態明顯無琴日咁好! |
今日, 我再嘗試放達達落地, 比佢學行, 可惜都係唔成功, 不過都有少少進步, 佢肯企喺度, 無立刻坐低喇; 算啦, 一步步嚟啦, 只要我時刻提醒自己, 用一個正確嘅方法去照顧佢哋, 總有日會成功嘅!
 |
| 企咗一陣上番車仔喇! |
養狗狗真係一門高深嘅學問, 要嘛完全唔識, 天生天養反而無事, 最怕係過份緊張, 又用錯方法, 咁就搵黎攪! 一於放輕鬆D, 大家都好; 希望我做得到啦, 性格真係好難改變嘅, 但盡力啦, 亦希望改變得唔會太遲!
去完街街整咗杞子南瓜奶昔比佢哋, 跟住就比佢哋去覺覺豬lu! 全職做狗媽媽, 太focus係佢哋身上, 大家都攰, 真係要學習小心拿捏,平衡輕重先好!!
 |
| 波波胃口好好架喎, 自己食完仲吼住人哋果D! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
