 |
| 回程心情好番晒! |
今日係好忙嘅一日, 一早起身收拾吓夏天嘅衣物, 摺摺叠叠, 一個上午飛咁快就過去! 午飯後有D嘢做要出去, 餵咗狗狗匆匆忙忙就出門喇, 因為又要趕番嚟餵下一餐嘛; 本來可以叫工人姐姐幫吓手, 由佢餵一日, 但咁多種supplement, 又驚佢攪錯, 又驚份量比得唔準確, 都係唔放心, 寧願自己辛苦D, 趕番嚟算喇!
做完嘢趕番嚟, 都好晏喇, 差不多要準備佢哋晚餐; 本來想暫停一日, 今日唔出去散步喇, 但呢兩日波波都唔鍾意行, 我又怕再唔同佢出去, 隔多一日佢完全唔肯行咁就麻煩; 因為工人姐姐要準備我哋嘅晚飯, 唔可以同佢一齊出去, 咁我一個人就帶波波一個算喇!
隻豬仔見到我拎出拖帶, 佢好開心喎, 但一出到街, 佢又鬧情緒喇, 行下停下, 仲要坐低添; 我又匆忙中唔記得帶小食, 一路行一路要唔停咁鼓勵佢, 真攞命!
 |
| 行得好慢! |
 |
| 仲要坐低! |
回程時迎面見到遠處有個伯伯拖住一隻小型牧羊犬, 波波突然成個精神晒, 飛咁快跑住迎上去!
可能佢太熱情, 伯伯有D遲疑, 跟住拖咗隻狗狗轉頭走!
我好明白伯伯嘅顧慮, 佢可能驚控制唔到狗狗吧! 跟住波波心情就好咗, 行得唔錯喇; 行咗無耐見到另一隻松鼠仔, 見波波咁想識新朋友, 又係同種類, 我就由得佢帶我行過去, 同狗狗主人傾咗幾句, 佢狗狗係男仔, 大波波一歲, , 可能同性相拒, 波波唔係好似上次咁熱情, 佢哋又係互聞咗一輪, 跟住我就帶波波走喇, 趕住番去準備佢哋晚餐, 因為依家要落酵素, 要等10-15分鐘先可以開餐架; 都唔記得同新朋友影番張相添!
今日好攰呀!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
