 |
| 今日好大風呀! |
書上話見到佢做啱我想佢做嘅嘢, 就要即刻獎賞, 咁我等佢行得好D嘅時候, 就即刻話佢乖, 跟住比小食, 一路都重覆住咁做, 佢唔願行停咗落黎, 我會等佢, 到佢起步行得唔錯, 咁就有小食, 慢慢佢真係知道我想佢點, 回程時已經行得好好喇!
仲有一樣好開心嘅, 今日見到迎面有兩個狗主, 分別拖住一隻白威, 一隻芝仔, 隻芝仔見到波波好似癲咗咁衝過嚟狂吠, 不過佢主人拉住佢, 我把握住波波未開聲吠番佢時, 即刻比佢小食, 話佢乖, 跟住再拖佢行, 波波好叻仔呀, 佢無吠呀, 咁當然要嘉許啦, 又比小食! 見到個仔咁乖咁合作, 好感動啊!!
我知道呢個概念無咁快可以入到波波個腦, 一定要持之以恆, 只要唔好落雨, 我一定帶佢出去重覆練習! 達達豬今日休息一天, 見到佢有少少鼻水, 唔想冷親佢喇, 睇下明日情況點先決定帶唔帶佢練習啦!
番到屋企比佢飲南瓜水後, 開住音樂瞓覺豬喇!
 |
| 開始時唔係好願行! |
 |
| 回程時感覺佢放鬆好多喇! |
 |
| 好彩今日地下無濕! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
