 |
改咗路線, 有D猶豫, 從佢耳仔型態, 似乎有壓力!
|
琴日波波表現得唔好, 一於唔理咁多, 繼續當無嘢一樣! (其實講真我係當無嘢一樣架咋, 佢狀態時好時壞, 今朝連零食都無興趣, 成日收埋自己喺房, 已經幾日無同達達玩喇!)
早D食完中午飯, 又去街街, 今日我改變咗策略, 先抱波波一個出去, 繞道去咗一間小學門前, 我想趕及遇上一大群小學生放學, 等佢習慣下咁嘈吵嘅環境, 跟住就放佢落地, 同一大群小朋友一齊行, 初時佢行得好慢, 有少少唔習慣, 慢慢就漸入佳境, 無咁緊張喇!
今日佢行咗好耐, 運動量夠晒, 希望佢釋放到一D負面情緒啦!
 |
| 表現唔錯! |
同佢行完大運, 就番屋企又揍隻女出街喇, 無辦法唔分兩次進行啦, 我一心唔可以二用, 尤其喺呢個咁敏感時候, 如果掌握得唔好, 怕前功盡廢!
因為波波剛剛行咗好耐喇, 所以由得佢坐喺車仔裏面, 我今次主要比達達學行!
不過呢隻豬真係好難攪, 佢點都唔肯嘗試; 但又唔係全無進步嘅, 起碼佢神情唔再緊張, 無驚到條尾仔都垂低晒, 我比佢企喺度左望右望一陣, 咁就抱番佢上車仔喇, 明日再接再勵, 又嚟過!
 |
| 佢都企得幾好睇! |
 |
| 態度尚算輕鬆! |
番到屋企, 同佢哋清潔完腳仔, 梳毛同例行檢查後, 就派零食喇, 今次波波豬有番興趣喇, 食完仲好乖咁坐低等等, 希望佢唔好咁反覆啦, 我真係'拗'爆頭都唔知發生過乜嘢事啊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
