 |
| 波波情緒無事喇, 希望呢本書進一步幫到我! |
因為早幾日波波出現情緒問題, 上網搵解決方法, 偶然睇咗練犬師Mack sir嘅blog, 我嘗試同波波做咗幾日行為治療, 有好明顯嘅效果, 甚至連達達出咗街都願意行幾步, 激發起我想做個改變; 為咗要吸收多D呢方面嘅知識, 我郵購咗佢哋出嘅呢本筆記, 希望我學到多少少, 可以糾正過去我同狗狗所犯嘅錯, 今日收到本書喇, 有好大期望, 我希望我可以做得到!
剛起步同佢哋出街做步行練習, 見到有少少成績, 又遇上呢幾日壞天氣, 睇嚟又要從頭做過, 唔緊要啦! 琴日已經無同佢哋出去喇, 今日唔想再困住佢哋, 就算唔落地行, 都同佢哋出去兜一個圈啦, 配好雨具, 出去lu!
行咗一陣, 雨勢越嚟越大, 唯有番屋企啦, 好開心又見証到波波嘅改變, 今日同小朋友一齊搭電梯, 佢竟然無吠, 反而個小朋友將個面貼近車網睇佢哋, 達達吠起上嚟呢; 達達好怕人俯前望佢嘅, 可能咁大塊面哄埋去, 比佢好大壓逼感啦!
返到屋企飲完湯, 又係聽音樂瞓覺時間喇!
最近睇咗Mack sir嘅blog, 佢有講及狗狗睡眠及休息與壓力情緒嘅關係, 另外亦有其他文章探討狗狗睡眠嘅特點, 原來瞓多D係對佢哋好好嘅, 我分開轉貼咗出嚟, 大家一齊做個參考啦!
 |
| 粟米紅蘿蔔合掌瓜湯 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
