 |
| 今日超大風, 好似吹得起兩隻豬 |
依家每日都規定動作, 食完午飯就帶兩隻豬仔出去行街街, 不過我都知太有規律唔係咁好, 費事到時到候佢地嚟叫我, 想唔出去都唔得; 所以隔兩, 三日就會改變吓時間, 都要為自己鋪排吓嘛, 有時自己都會去吓街街嘛!
多謝朋友A幫我買到酵素喇, 琴日開始加咗比佢哋食, 希望佢哋消化得更好, 唔會有毒素積聚係腸臟, 又能夠更有效吸收到食物嘅營養, 咁就越嚟越健康啦!
網友Ka係官網睇到有feedback, 話比我知Prozyme對甲狀腺有問題嘅狗狗都有幫助,同埋對hair/coat都好好, 佢仲教咗我一D方法點train狗狗添, 真係多謝咁多好朋友嘅幫忙同關心:)
★無乳糖配方, 對乳糖過敏, 腸胃較敏感或易過敏體質的狗狗貓咪, 甚至其他寵物都非常適合
★寵物用消化酵素~美國超過30年信譽商家
★【鍾愛狗一生】書中推薦,美國許多崇尚天然的獸醫推薦款
★【生鮮餐必備】大力推薦
| |
寵物身體要健康的活著，酵素很重要。如果酵素分泌不足，吃得再營養,使用再高級的食材, 對狗狗來說也只是消化不掉的負擔，無法提供身體該食材應有的營養和健康。
獸醫建議酵素能幫助寵物吸收食物中的營養素，加入適量於寵物的飲食中, 特別是有過敏、口臭、體臭、肚子脹氣、皮膚問題、肥胖病、關節疼痛、免疫和消化系統問題，更需要消化酵素。
| |
我仲有件開心事, 多謝網友Isa報料, 話有松松精品買, 我唔敢遲疑, 立刻出發買咗番嚟, 因為真係好少見到呢隻品種嘅精品, 所以都係有殺錯無放過喇, 哈哈哈哈!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
