知錯要改

準備好就開始行行喇!

昨日同波波練習明顯係失敗嘅, 有D氣餒; 不過今日又係另一天啦, 抖起精神再嚟過!

今日早上同佢哋出去, 如常同佢哋穿好狗帶, 噴防虫劑, 跟住要放佢哋上車仔; 離開屋苑範圍先可以還佢哋自由喇, 因為大堂等公共地方禁止狗狗落地嘅!

一切準備就緒, 叫佢哋過嚟上車, 其實平日佢哋見到架車, 知道係去街街時間, 唔駛叫已經第一時間企係車旁邊等候; 豆b同達達好快走過嚟, 呢個係達達豬最勇敢嘅時候喇!
抱咗佢兩個上車, 就發覺波波匿藏係佢張屋仔床度; 我個心即刻一沉, 立刻意識到昨日我一定係太急進, 太嚴厲咁用錯方法去糾正波波撲吠嘅行為;  呢個仔咁敏感, 一定唔開心喇!

有好多疑問

最近喺網上討論版又睇到有狗狗中咗牛蜱熱, 有好多回應; 我對呢樣嘢, 剛開始放寬咗嘅心情, 又再次緊張起嚟!
最近有網友帶狗狗去數碼港玩, 見佢post嘅相片, 狗狗喺草地上真係跑得好開心, 唔單只係佢, 仲有其他朋友狗狗嘅相片, 都激發起我都想帶幾隻豬仔去草地, 比佢哋跑吓; 但依家睇完咗呢類討論, 我再度猶豫起嚟!
討論牛蜱熱連結

關於牛蜱熱, 我嘅理解係全無辦法預防, 如果比隻蜱咬到, 唯一就係希望隻蜱唔係帶住病菌, 唔會傳咗細菌比狗狗, 咁佢就唔會中招, 根本好被動嘅!

任何預防藥物, 包括滴頸, 噴身, 頸帶等, 都只係預防牛蜱上身, 或者隻蜱咬到狗狗, 吸到狗狗嘅血會中毒死亡; 咁係預防佢大量繁殖, 對預防牛蜱熱, 仍然係無效!

波波達達練習篇

波波精神幾好!

 

早上又帶三隻豬仔出去散步, 今日天氣好好, 有暖暖嘅陽光, 又唔覺好熱, 幾適合比佢哋曬下!  波波今日好精神, 個樣好醒目, 希望佢今日會叻仔啦!

星期一嘅早上, 無見到有狗, 本來諗住無機會同波波做練習喇; 但真好彩, 竟然比我哋遇到三隻呀! 

第一隻係史納莎, 我拖住波波如常咁行, 但就喑地裏留意住波波嘅舉動; 今次波波無好似昨日咁想跑過去, 但佢都有望住狗狗, 神情係戒備狀態, 不過無吠!

高人指點

波波今日心情超靚

昨日波波咁失控, 一定要搵出問題嘅癥結, 先可以解決問題嘛, 作晚即刻搵高人教路; 預計今日係假日, 應該都會見到好多狗狗, 我唔想佢又好似作日咁激動呀!

將昨日同波波出去嘅過程, 好詳細咁同朋友講咗, 佢就叫我檢討吓邊度出錯! 我真係唔知喎, 已經聽從好多人提點, 同佢出去散步, 等佢可以釋放壓力, 同見多D狗狗嘛!

波波行為失控 (w/album)

等佢哋三個靜靜哋玩吓啦!
相片連結

加咗prozyme比豬仔食都大概有10日喇, 網友ka話效果好好, 問我有無見到改變! 老實講真係無明顯唔同, 不過佢提醒我唔好加太多, 唔係會有軟便.

自從同豬仔轉咗食肉後, 佢地嘅便便都好乾同硬, 佢哋無少咗飲水, 我又適當咁加咗油份, 正苦惱應該點做; 既然ka咁講, 我就試吓加多少少prozyme比佢哋. 今日, 終於見到效果喇, 佢哋嘅便便靚晒(哈哈, 好變態); 原來酵素真係有作用嘅, 可能仲有其他方面嘅改進, 不過無咁明顯, 所以我觀察唔到!

分段散步

天氣真係轉涼咗, 帶佢哋散步好大風, 豆b有少少鼻水添; 不過呢隻女一向有鼻敏感, 一到冬天就要格外小心喇!
雖然大風, 但波波同達達都ok嘅, 因為仲同'凍'字未扯得上關係, 但豆b我唔敢博喇, 都係同佢著番件薄嘅裙仔擋擋風啦; 呢個唔知係咪佢媽媽成日貪靚, 同佢打扮著慣衫啦, 佢比較怕凍!

今日無遇見任何狗狗,所以波波全程都無吠;  佢心情就時好時壞啦, 有時行得好好, 有時就唔肯行喇!

達達豬5歲生日

今日係達達豬正式嘅5歲生日, 雖然兩個月前同波波一齊開過生日會, 但正日嘛, 點都要同佢慶祝下嘅!

今日工人姐姐放假, 我一早起身, 先出去買個壽包仔比佢, 雖然都係像徵式搣少少比佢食, 但好意頭嘛, 希望佢身體健康, 長命百歲!

跟住就動手整番款有益又易做嘅美食比佢哋, 自從轉咗每日都食肉後, 真係好少再特別整餸比佢哋喇!

杞子燕麥魚蛋 (附豬仔為食相)

親子活動

少爺仔又玩乜嘢呀?

 
今日又帶D豬仔出去行街街, 因為豆B嚟咗渡假, 咁當然會帶埋佢出去啦; 同工人姐姐二人三狗一齊出發! 本來想拖波波同豆B一齊行嘅, 但波波呢位少爺仔真係難服侍, 成日都行吓坐吓, 隻豆就興奮到死, 係咁向前衝, 步伐咁唔一至, 我真係攪唔掂, 都係一隻一隻嚟啦, 我諗要一齊行真係未到時候, 波波情緒仲未係穩定!

放番豆豆上車仔, 同達達一齊遊吓車河先啦, 我拖波波先行!
行咗無耐見到有個工人姐姐, 拖住隻Hush Puppy果種巴薩亨犬, 波波無吠狗哋, 乖仔!

快樂可以好簡單!

有家姐陪住一齊行都唔開心!

今早餵咗兩隻豬仔早餐後, 就同工人姐姐一齊去街市, 要為佢哋選購凍肉喇; 上次上網訂購, 放到成個冰箱都係佢哋食糧, 自己想儲少少嘢都要就住就住, 真係好唔方便; 雖然大量訂購會比較平, 但冰箱唔夠大都無法, 唯有每星期去入貨一次啦!

平時自己食嘅都唔會親自去揀選, 但買比呢兩隻豬仔就一定要親力親為, 一定要睇過清潔衛生先得, 佢哋係我心目中真係好重要嘅!

學習社交

一直無精打采, 直至見到其他狗狗, 即刻精神晒!

今日係星期日, 正常都會遇到多D狗狗嘅, 希望波波可以見多D同類, 習慣下同狗哋相處, 唔好見親其他狗狗都吠啦! 今日早咗出去, 諗住行一陣先番嚟餵佢哋午餐!

波波呢個少爺仔真係難捉摸, 佢知道去街街表現好開心嘅, 但落咗樓就表現唔同晒, 行兩步停一停, 再唔係就坐低; 同佢哋散步我最怕就係咁, 一路要鼓勵, 要用小食誘導, 已經比平常勞累十倍, 再遇上隻豬仔連小食都無興趣, 真係想叫救命! 我已經每次出去都用唔同嘅小食, 等有多D新口味去刺激佢哋架啦!

比番工更忙！

洗完白白舒服晒！

其實琴日都好攰, 今日本來想好好休息下嘅, 但聽天氣報告又話下週轉涼, 唯有撐落去同佢哋沖涼啦! 一般我都係3星期先同佢哋沖涼一次, 以前少比佢哋落地行就好ok, 反正沖涼太密係有害無益;  但近來多咗行街, 兩星期左右都開始覺得D毛毛唔係咁爽喇, 拖到3星期真係極限, 再唔沖真係唔得喇!

本來以為唔駛番工, 會有好多空閒時間, 當初諗住辭職都真係諗咗好耐, 好怕時間太多會好無聊! 但原來湊呢兩隻豬仔真係好忙, 只要每件事都堅持親力親為嘅話, 就一定唔會無嘢做!

純種狗缺陷 - 轉貼

http://www.wretch.cc/blog/dabbychiang/816229

 純種狗：足以致命的好長相

    一般來說，純種狗的身體和情緒比混血兒差。大多數純種狗都有一些先天性缺陷。

舉例來說，大麥町易棏先天性耳聾，貴賓犬－癲癇症，拳師犬－惡性腫瘤，杜賓犬 －類似血友病的出血問題。像瘟疫一樣折磨純種狗的視力疾病包括白內障，青光眼，和會造成眼盲的視網膜變性。
根據美國Pennsylvania獸醫大學針對 上千隻狗所做的調查，他們發現純種狗棏先天性心臟疾病棏可能性比雜種狗還高上3倍。根據Michigan州立獸醫綜合大學的Dr. George Padgett，每一各品種都有平均有一打以上的遺傳缺陷。

忙碌嘅一日

回程心情好番晒!

今日係好忙嘅一日, 一早起身收拾吓夏天嘅衣物, 摺摺叠叠, 一個上午飛咁快就過去! 午飯後有D嘢做要出去, 餵咗狗狗匆匆忙忙就出門喇, 因為又要趕番嚟餵下一餐嘛; 本來可以叫工人姐姐幫吓手, 由佢餵一日, 但咁多種supplement, 又驚佢攪錯, 又驚份量比得唔準確, 都係唔放心, 寧願自己辛苦D, 趕番嚟算喇!

做完嘢趕番嚟, 都好晏喇, 差不多要準備佢哋晚餐; 本來想暫停一日, 今日唔出去散步喇, 但呢兩日波波都唔鍾意行, 我又怕再唔同佢出去, 隔多一日佢完全唔肯行咁就麻煩; 因為工人姐姐要準備我哋嘅晚飯, 唔可以同佢一齊出去, 咁我一個人就帶波波一個算喇!

培養習慣

唔去街個樣好無聊呢!

工人姐姐今日放假又兼落雨, 本來諗住唔出去喇!

唔知係咪日日出慣去啦, 到咗差唔多時間, 總覺得有件事未做好; 兩隻豬仔又好似唔係好開心,  我自己都好似要出去行一轉先安樂!

落緊雨唔想行露天嘅地方, 就帶佢哋落商場行下啦, 順便去pet shop探下K姐姐, 傾下偈買番D無添加天然小食; 依家為咗要訓練佢哋散步, 真係食多咗零食, 所以選購要特別小心, 一般我都只係會買天然風乾嘅肉類, 餅乾果類就好少買喇!

癌症介紹與居家照料 - 轉貼

http://tw.myblog.yahoo.com/crazywomen-joy/article?mid=1962&prev=-1&next=1961

狗和人一樣，也會得到癌症，當家中的狗狗罹患癌症時，身為父母的你，是選擇以淚洗面，還是選擇堅強地陪伴著他對抗病魔？相信很多人都會選擇後者的方法。狗 狗在治療期間，身體會產生一些變化，可能伴隨著疼痛、嘔吐、甚至呼吸困難，既然要陪狗狗度過難關，正確的居家照護觀念就不能不知道；另外，傷口換藥的處 理，以及瘉後的營養補給選擇，也是身為狗爸媽的你，必學的知識喔！

養育愛犬行事曆 - 轉貼

0 - 2 weeks = 新生兒期

2 – 4 weeks = 轉換期 (五官開始有感覺 )

4 – 6 weeks = 銘印期 (即是新生兒對於眼睛所見事物產生強烈印象的時期)

6 – 8 weeks = 銘印期(對周遭事物開始感興趣了)(7-10週為最佳接養期,較易適應人類社會.) (相等於人類4歲)(8-9週為第一次疫苗注射)

豬仔日記

兩隻一齊拖好有難度, 步伐唔一至,
又或者一隻行, 一隻唔肯行!

唔知幾時開始, 寫呢個blog好似變咗寫日記, 習慣性咁每日記錄低兩隻豬仔嘅生活作息; 自己睇番, 原來為咗佢哋, 我真係作出咗好多改變!

今日如常帶佢哋出去, 試下行唔同嘅路, 不過唔知點解, 波波今日又唔係好肯行, 行得好慢又不時坐低, 呢位大少真係好難捉摸; 我都唔勉強佢喇, 行咗15分鐘左右就放番佢上車啦!

狗狗肺與支氣管[教學轉貼]

http://www.360pet.com.cn/baodian/goumai/201201/1394.html

 1. 肺與支氣管的構造與功能: 肺分為左右兩側,其中有支氣管、動脈、靜脈,呈細網狀分布於其中。支氣管的前端有如葡萄串一般的許多肺泡,肺泡也分布著許多微細的血管。在此,進行最重要 的呼吸作用,即二氧化碳與氧的氣體交換。新鮮的空氣經由鼻或口吸入,通過支氣管、氣管到達肺泡,給予紅黑色的靜脈血氧,交換二氧化碳,成為紅色的動脈血。 這動脈血再利用心髒的功能,運送至身體的各個角落。呼吸運動是由呼吸中樞神經調節,血液中的氧缺乏,或二氧化碳積存時,就會刺激中樞而增大呼吸,使其恢復 正常。

消化酵素- prozyme

今日超大風, 好似吹得起兩隻豬

依家每日都規定動作, 食完午飯就帶兩隻豬仔出去行街街, 不過我都知太有規律唔係咁好, 費事到時到候佢地嚟叫我, 想唔出去都唔得; 所以隔兩, 三日就會改變吓時間, 都要為自己鋪排吓嘛, 有時自己都會去吓街街嘛!

同命鴛鴦

真係同命鴛鴦, 一齊甲低, 一齊關節移位, 仲要同係左後腳!

又到咗豬仔們驗血嘅日子喇, 喺約定時間, 準時到達診所! 一開始佢哋見我拎個袋出嚟, 仲開心到爭住跳入去, 諗唔到個目的地會係呢度, 佢哋一定好後悔入咗個袋喇, 哈哈!

今日佢哋除咗驗甲狀腺素, 仲同達達豬做埋個血常規檢查, 咁快又過咗一年喇!
佢哋都5歲喇, 又有甲低, 我諗都係同佢哋年年驗身, 令我放心啦!

認識新朋友

波波想認識新朋友, 同上次相反,今次變咗狗哋唔望佢!

再接再勵, 又帶兩隻豬仔出去散步; 真係從來未試過咁有恆心, 貫徹咁去做一件事, 叫我自己日日咁做運動都唔會咁堅持; 但為咗佢哋精神富足, 就唯有死頂落去啦! 

養得佢哋, 又唔可以忽略佢哋身心健康嘅! 同人類一樣, 食好住好但精神鬱結, 健康都會出問題啦, 佢哋又無得選擇, 唔可以覺得悶, 有壓力就出去跑番轉, 如果做主人嘅唔幫佢哋, 就難保有行為問題喇!

放狗唔拖繩好有型嗎？

等緊獎勵零食

上個週末帶佢哋出去行街, 無太多人同狗,  咁今日諗住都ok嘅, 而且今日回暖, 又有少少太陽, 感覺好舒服, 食完午飯就出發喇!

波波行街已經完全無問題喇, 即使佢遇見其他狗狗, 都唔會亂吠; 今日我拖住佢行, 迎面遇到有狗主拖住隻哥基, 都相安無事, 好平靜擦身而過, 又遇到拖住繩嘅貴婦, 不過隻貴婦就想衝過嚟, 波波都想衝前, 我哋分別hold住條拖帶, 等佢哋冷靜D先慢慢行過, 一路都幾好嘅, 諗住轉落下一條路就輪到達達學行喇!

多角度調整情緒

入冬後, 天氣真係涼咗, 可以拎angry birds床仔出嚟用喇, 依家我見佢哋自己走入床仔瞓, 我都會開咗狗狗音樂比佢哋聽, 等佢哋relax D; 不過來來去去都係果十零隻音樂, 聽到我都悶晒, 所以去買多咗一套CD, 呢套超值呀, 雙CD單碟價, 聽落自己都平靜咗; 如果話主人情緒係直接影嚮到佢哋, 咁自己平靜D都應該會帶嚟正面效果吧!

反覆練習

今日好大風呀!

 今日好大風, 都覺得有D凍喇, 不過見到無落雨, 就帶咗波波落去散步; 隻豬仔起初係唔願行嘅, 都怪我比佢坐慣咗車啦, 一於試下跟trainer果本筆記去做!

書上話見到佢做啱我想佢做嘅嘢, 就要即刻獎賞, 咁我等佢行得好D嘅時候, 就即刻話佢乖, 跟住比小食, 一路都重覆住咁做, 佢唔願行停咗落黎, 我會等佢, 到佢起步行得唔錯, 咁就有小食, 慢慢佢真係知道我想佢點, 回程時已經行得好好喇!

落雨天!

希望快D好天氣啦!

今日又係落雨, 都唔知幾時先可以去行街街喇; 本來停咗雨都可以比佢哋行一轉嘅, 但可惜佢哋未係好習慣, 好多時行幾步又會坐低, 由其係達達, 仲要爬低添, 咁整到成身又濕又污槽, 都唔知沖唔沖涼好喇, 又唔可能次次沖涼, 唔沖涼點可以上我床瞓覺呢, 都係坐車仔遊吓花園算喇!

狗狗小常識 - 轉貼

1. 狗咬得快定人手快

係狗快，重快四倍。
所以各位唔好挑戰D狗狗，如果佢真係要咬你，實咬到！其實佢地通常咬人前都有預先表情，如依起棚牙、毛豎起，耳仔比平時略向前及尾巴向上，或耳仔向下及尾巴收起（這是因驚恐過度而咬人）

2. 兩只同等重量的狗，一只是純種狗，一只是混種狗，那一只狗的腦會較大？

根據醫學統計，同等重量的狗，混種的腦體積較大，但就未能確切知道，是否混種犬較聰明！

3. 狗與狗之間的正式社交是從何時正式開始？

狗狗的社交期要待他們的感觀工能，如：視覺、聽覺、平衡、觸覺、味覺及嗅覺發育完善才能開始，狗與狗之間的社交期一般由四週大開始，直至到六週大，但狗與人之間的社交期是有些不同的。

DOG MUSIC - RELAX YOUR DOG! - 轉載

好柔和, 好好聽嘅音樂, 人同狗狗聽都好relax!!

狗的睡眠有何特點？睡眠時間多久？老打瞌睡正常嗎？- 轉貼

睡眠是恢復體力、保持健康所必不可少的休息方式。狗在野生時是夜行性動物，白天睡覺，晚上活動。狗被人類馴養後與人的起居基本保持一致，改為白天活動，晚上睡覺，與人不同的是，狗不會從晚上一直睡到早晨，而且睡覺時始終保持警覺狀態。

狗狗睡眠及休息時間與壓力情緒的關係 - 轉貼

copy from Mack Sir blog 

休息不足會導致狗狗偏向處於壓力的情緒，以下是一些數字上的反應：

狗狗的睡眠及休息時間：（＊休息時間指非活動時間）
（A）10小時或以下 ----> 平均壓力指數：27.0
（B）11 ﹣ 13小時 ----> 平均壓力指數：25.0
（C）14 ﹣ 16小時 ----> 平均壓力指數：24.4
（D）17 ﹣ 19小時 ----> 平均壓力指數：21.6
（E）20小時或以上 ----> 平均壓力指數：14.7

落大雨, 去街街

波波情緒無事喇, 希望呢本書進一步幫到我!

因為早幾日波波出現情緒問題, 上網搵解決方法, 偶然睇咗練犬師Mack sir嘅blog, 我嘗試同波波做咗幾日行為治療, 有好明顯嘅效果, 甚至連達達出咗街都願意行幾步, 激發起我想做個改變; 為咗要吸收多D呢方面嘅知識, 我郵購咗佢哋出嘅呢本筆記, 希望我學到多少少, 可以糾正過去我同狗狗所犯嘅錯, 今日收到本書喇, 有好大期望, 我希望我可以做得到!

需要為狗做的日常體檢 - 轉貼

  原文連結:ttp://www.cndog.net/htm_ziliao/ziliao_last_3797.htm

 為了讓您更瞭解愛犬的健康狀態,掌握到您愛犬身心狀況是否正常。平常，您可以為狗狗進行簡單的體檢，確保狗狗身體無恙。本期我們將為您介紹，日常的檢查方法和注意事項。

嘴巴

檢查嘴巴是否有牙齦發炎及蛀牙的現象。通常,獸醫會以一根手指按壓牙齦,以顏色做為血壓的測試結果。若牙齦蒼白則可能是貧血,若為淡黃色則表示肝臟有問題。正如同人類一般；誠所謂牙痛不是病,病起來要人命。

犬隻也相同,一隻牙齒出毛病的犬隻是無法正常進食,連帶影響的層面是相當大的,身為愛犬的主人的您,是否也曾注意過您寶貝愛犬牙齒的毛病呢?所以一定要經常關注狗狗的口腔，一旦發現問題，及時就醫。

狗的習性 -轉貼-

http://www.cndog.net/htm_ziliao/ziliao_last_7805.htm 

 狗和狼起源於同一個祖先，有部分科學家認為印度灰狼就是狗的直接祖先。狗雖然經過一萬多年的飼養與馴化，但其遺傳基因中，還是保有許多原始狼的習性，而群居 社會性就是其中之一。狼是群居的動物，它們通常七、八隻為一群，採集體狩獵的方式來獵食，這當中，每隻狼在族群中的階級地位都不相同。動物學家習慣將狼群 之中的領袖稱為阿爾發狼，族群中包括食物的分配，紛爭的平息，乃至後代繁殖的責任，都要靠它。其餘的狼也都安於本身在族群之中的地位，並服從阿爾發狼的領 導，這就是狼的社會。

脫水納豆昆布

聽緊音樂嘅波波!

經過咗幾日嘅散步訓練, 波波壓力得以舒緩, 佢已經好番七七八八喇, 今日見到佢有同達達玩喇, 原來散步對佢哋作用咁大, 真係從來都無諗過! 不過今日自己要去補牙, 天氣又唔好, 睇嚟都要暫停一日喇, 希望唔會有問題啦! 今日無得去街街, 就開番隻狗狗音樂等佢地鬆弛吓啦!

出開去就順便行下citysuper, 睇吓有乜好嘢啱佢哋食, 見到有呢款北海道納豆昆布, 就買咗番嚟!

散步訓練

再接再勵, 帶兩隻豬仔進行散步訓練; 今次一架車仔同兩隻豬一齊落去, 但分先後次序行, 咁有一個好處係達達見到波波行, 會激起佢都想行嘅勇氣!
今日波波狀態麻麻, 唔係好願行, 不過佢每行一小段路, 我都有比小食獎勵, 咁都叫成績唔錯!

狗音真經

今日睇嚟兩隻豬仔都有唔錯嘅改善喇!

為咗我兩隻心肝寶貝, 除咗要改變過往錯誤嘅想法, 以後會日日比佢哋行街街舒緩壓力外, 仲買咗呢隻CD番嚟比佢哋聽, 睇過呢張CD介紹, 話豎琴嘅震頻係專為狗狗而設, 有安撫效果, 會大大減低焦慮嘅狀況!希望雙管齊下, 會得到更大幫助啦! 以下係呢張CD嘅介紹, 有興趣嘅不防睇吓!

亡羊補牢

改咗路線, 有D猶豫, 從佢耳仔型態, 似乎有壓力!

作日波波表現唔錯, 今日一早再帶佢出去, 同佢行一條新嘅路線; 可能環境唔熟識, 佢行得好慢, 好猶豫! 我見佢開始尾仔向下, 就抱番起佢, 因為可能佢感受到壓力! 所有嘢都唔可以強逼, 唔可以再加重佢嘅壓力, 要慢慢嚟!

近期因為波波嘅個案, 我上網睇咗好多資料, 原來好多問題都係源至壓力, 而最直接比佢哋壓力嘅就係主人!
我諗一般狗狗都會有或多或少嘅壓力, 但佢哋可以自散步將呢種負能量發洩出嚟, 而我呢個緊張媽媽, 就剝奪咗佢哋呢個宣洩壓力嘅途徑, 即係我嘅錯!

為誰辛苦為誰忙

改咗路線, 有D猶豫, 從佢耳仔型態, 似乎有壓力!

琴日波波表現得唔好, 一於唔理咁多, 繼續當無嘢一樣! (其實講真我係當無嘢一樣架咋, 佢狀態時好時壞, 今朝連零食都無興趣, 成日收埋自己喺房, 已經幾日無同達達玩喇!)

早D食完中午飯, 又去街街, 今日我改變咗策略, 先抱波波一個出去, 繞道去咗一間小學門前, 我想趕及遇上一大群小學生放學, 等佢習慣下咁嘈吵嘅環境, 跟住就放佢落地, 同一大群小朋友一齊行, 初時佢行得好慢, 有少少唔習慣, 慢慢就漸入佳境, 無咁緊張喇!
今日佢行咗好耐, 運動量夠晒, 希望佢釋放到一D負面情緒啦!

養狗係一門高深嘅學問

今日再帶佢哋去街街, 一於朝住目標進發!

波波今日整個上午表現比琴日更好, 我以為佢無晒事啦, 點知到咗下午, 又覺得佢緊張起嚟, 可能佢真係遇到一D令佢好驚嘅事, 唔可以叫佢一下子忘記, 唔再特別作出安撫, 就當無事一樣; 如果我繼續用安撫嘅方法, 一定會越嚟越惡化!

解讀狗狗常見行為 - 轉貼

http://www.wretch.cc/blog/yichen165/8913687

 1、狗兒為什麼跟你們親近？

狗是群居動物，牠們與人類有相似的社交結構和內在動力。如果幼犬在出生後第3周至第12周這一敏感階段習慣了跟人在一起，那麼牠們就很容易把主人一家當作是牠們一群的。

2、狗兒被獨自留在家時，為什麼會搞破壞？

狗有強烈的群居欲望，有些狗無法接受形單影隻。當牠被單獨留在家裡時，往往會因害怕不速之客的侵襲而吠叫、嚎叫、驚慌失措、隨地大小便。有些被留下的狗喜歡把主人摸過或用過的東西搜羅到一起，將主人的氣味環繞起來形成一座屏障，如果東西太少不足以形成一個保護圈時，狗就會把它們咬成碎片鋪開來。

狗狗嘅身體語言 - 轉貼

好有用嘅圖解,
清楚話比大家知狗狗肢體動作嘅意義!

轉載自 http://doggiedrawings.net/post/842176625

養狗狗正確態度

佢情緒明顯無琴日咁繃緊!

唔怪得有練狗員話, 訓練狗狗唔難, 要教好狗狗主人仲難, 教狗不如先教主人!  狗狗係好單純直接嘅小動物, 其實只要主人配合, 做出一D適合嘅改變, 唔好將人類嘅思想太代入狗狗度, 真係可以幫到狗狗嘅, 我今日真係領悟到呢句說話嘅真實性!

琴晚係網上收到料後, 我已經決定今日無論波波表現幾唔妥, 我都會當無事一樣(當然暗地裏我都會留意, 其實佢身體有無唔舒服啦)!

會笑的狗狗- 轉載

嘩哈哈哈!! 好可愛呀, 笑死我喇!

別再溺愛你的愛犬啦！- 轉貼

轉貼自linyuanyuan127 的POCO空間

 呢篇好似係為我而寫嘅文章, 我正正係呢種人!" 狗一丁點毛病主人焦急萬分", 但要點去拿捏'唔過度'?

對狗狗溺愛是最不可取的行為，因為要是出於寂寞或把狗當孩子來養，過分溺愛它的話，狗可能連自己是狗還是人都弄不清。
而且，對狗過分上心也不行。 狗一丁點毛病主人的焦急萬分，精神煩躁，讓狗看得出你驚慌失措，對狗就會產生負面影響。 有些狗的精神疾病甚至只要主人冷靜一點就能治愈。(為咗佢哋好, 點都要提醒自己, 一定要做到)

表現異常

兩隻豬無交流, 波波明顯無晒心機

相信大家養狗狗嘅心態, 會係大同小異; 只要佢哋食得瞓得, 玩得拉得, 我哋就會心安理得, 但原來唔係咁簡單!!

琴日波波突然神態有異, 我都好唔放心, 到咗今日佢都無好轉, 我都唔明發生過乜事? 佢除咗無晒心機, 仲表現得好驚慌咁, 佢好迴避同我面對面, 如果硬來佢會驚到震; 抱住佢又會覺得佢繃緊晒, 掂下佢仲會叫添!  究竟佢遇到乜嘢驚嚇? 還是佢身體有唔舒服, 但我唔知?
我反省過一千次, 我有無好惡死鬧過佢, 唔覺有; 當然更唔會打過佢啦! 但佢嘅表現好明顯係有唔妥, 因為佢連達達都好抗拒, 不但無同佢玩, 連行近都唔願意!  呢個係好反常嘅現像, 佢一向都好鍾意達達嘅!