呢排天氣都好差, 唔係熱到死就嚟狂風暴雨, 3隻豬仔都唔駛諗去街街喇, 留喺屋企休息吓啦; 好彩有3隻豬, 佢哋都有伴可以玩吓, 養狗狗養一隻的話, 如果主人唔可以時常陪伴, 都幾孤單!
我都係bebe走後, 先開始仔細去想, 有好多後悔, 覺得陪伴佢唔多; 最初養佢嗰時, 阿女好細個, 我又無番工, 咁就唔覺有問題, 後來阿女番學, 我又番工, bebe應該好寂寞, 每日只可以痴痴地等, 等我哋番嚟!
是以養安安嗰時, 決心同佢搵個伴, 雖然一帶3隻番嚟, 無可否認係一切都分薄咗, 但好歹都有狗狗同佢追追逐逐啦!
安安性格好隨和, 佢又好似無乜所謂, 叻叻同樂樂成日自成一角, 佢就去搵精精, 佢對精精好好, 精精又好夾佢, 都總算各有所好啦!
無端端又會諗起以前嘅一切 :) 天氣咁差都係令人鬱悶, 於是又玩羊毛氈!
今次唔再整狗狗喇, 今次名乎其實整咗3隻豬仔, 都好可愛吖 :)
做完自己嘅8隻狗狗, 我真係唔想再做狗狗喇, 不過為咗答謝H醫生成日不厭其煩咁解答我嘅問題, 我心甘情願參考佢狗狗嘅相片, 再做咗一隻送比佢, 希望佢鍾意啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
