 |
| 第一次咁夜帶佢哋去街街咋! |
每日一早起身餵3隻豬仔食早餐, 跟住餵甲狀腺藥, 因為H醫生話過, 食藥唔可以時遲時早, 一定要定時; 咁先可以將個病情好好管理, 佢哋食藥都有年幾喇, 咁耐以來我從來都無誤時; 餵完佢哋藥藥就齊齊入房再瞓一陣, 過兩個鐘又要餵達達食褪黑激素, 跟住就齊齊起身!
再嚟就同3隻豬仔做清潔工夫, 梳毛洗眼等等; 服侍完3隻豬仔呢個過程, 又差不多係佢哋嘅午餐時間, 咁又要再作準備, 因為佢哋食嘅嘢我唔敢假手于人, 每隻豬都食唔同嘅補充品, 我唔想有乜差錯, 費事激死人!
一個上午就咁匆匆過咗喇, 如果問我一年來quit咗份工會唔會覺得悶, 我可以答我真係非常享受, 生活過得充實愉快, 揍佢哋比我好大樂趣, 只要大家健康良好, 我真係好感恩!
琴晚夜間出動去街街, 唔可以整日困住佢哋咁慘嘛; 班豬仔一見佢哋架私家車出動, 開心到不受控制咁兩頭騰:)
 |
| 達達初時緊張到番晒白眼 |
先推住佢哋落街沿住平常嘅路徑行吓, 達達初段時間有D緊張, 再落嚟好快習慣, 坐喺車上好享受咁兩頭望; 豆B就最搗蛋, 成日要企起身; 波波呢就真係最麻煩喇, 因為晚上真係好多狗狗出動, 佢不停又跳又叫, 怕咗佢唯有放棄再前行!
同佢哋番上平台再行一陣, 夜靜嘅平台又有另一番風味, 我推住佢哋緩緩慢步, 伴有涼風吹送, 暗暗嘅燈光映照, 真係好稱心; 生活喺石屎森林, 好耐無咁嘅感覺喇, 以後都要試多D夜間出動, 多享受呢片寧靜光陰 :)
同佢哋兜咗幾round, 見到遊樂場嗰邊空無一人, 就放佢哋跑番一陣, 我諗唔影晌人家嘅大前題下, 應該都可行; 比佢哋跑咗10分鐘左右, 上車飲水, 好滿足咁齊齊歸家喇!
 |
| 3隻豬好快適應咗夜間出動 |
