 |
| 今晚係咪唔應該落街行? |
今晚食完晚飯, 就帶波波達達落街, 唔敢再帶豆b喇; 隻豬豆見到D拖帶, 開心到跳起上嚟, 睇見佢咁嘅樣, 又唔帶佢出去, 真係有D不忍!
好彩晚上有爸爸陪住佢, 我聽見老公同佢講, "唔出去喇, 我比好嘢你食啦!"
 |
| 兩隻豬等緊電梯落樓 |
帶住兩隻豬仔快步出門, 真係唔忍心回頭睇, 由於豆b唔出去, 我同工人姐姐一齊就唔帶車仔!
都係由姐姐拖達達, 因為達達好守規矩, 行得好乖嘅, 永遠唔會跳, 撲, 吠; 唔似波波咁曳曳!
 |
| 姐姐同達達行得好好 |
今日街上無風, 非常悶熱, 我同佢哋行咗一陣, 就發覺佢哋伸長晒脷仔; 我都有所警惕, 即刻將佢哋抱起, 即刻餵水比佢哋, 再噴水撥扇都出齊; 今晚真係唔適合出去散步, 好彩豆b無出嚟!
 |
| 兩隻豬今晚行得唔錯架 |
 |
| 今晚我算好滿意波波嘅表現架 |
 |
| 佢無唔受控制亂咁吠 |
 |
| 都叫有進步啦! |
今晚同佢哋行街, 都有D激氣!
姐姐拖住達達, 我就拖住波波, 一路都行得幾好, 即使遇到其他狗狗, 波波都算受控制; 當我見到遠處有狗狗, 我就比波波零食, 一路用小食吸引住佢注意力, 都算ok!
點知途中, 遇到一位女士, 佢帶住隻唔拖繩嘅松松, 見到我哋一枝箭咁衝埋黎... 就連Mack Sir都話過, 上街真係最怕遇到放繩嘅狗狗喇!!!
姐姐拖住達達, 我就拖住波波, 一路都行得幾好, 即使遇到其他狗狗, 波波都算受控制; 當我見到遠處有狗狗, 我就比波波零食, 一路用小食吸引住佢注意力, 都算ok!
點知途中, 遇到一位女士, 佢帶住隻唔拖繩嘅松松, 見到我哋一枝箭咁衝埋黎... 就連Mack Sir都話過, 上街真係最怕遇到放繩嘅狗狗喇!!!
我真係想像唔到, 會發生以下嘅事 --
波波見隻狗直衝向佢, 本能咁大聲吠起上嚟, 我都拖緊波波, 唔比佢撲起, 點知呢位女士, 拎住張報紙就打過嚟, 嚇到波波成個坐低咗, 我本能擋住, 但都比佢嚇咗一跳...跟住佢隻狗狗又衝向達達, 姐姐都比佢嚇死, 抱起達達快步向前行!
 |
| 嘩! 阿太, 你有病啊? (姐姐話要影低佢罪証) |
呢位太太真係反應奇怪, 我有拖住我狗狗, 根本無機會比佢撲前, 呢位阿太唔係哇??? 竟然想打我波波!!!!!
好彩佢嗰隻都係細身松松咋, 不過佢嘅做法真係好令我反感; 好彩佢無掂到波波, 唔係我實同佢死過！
自己唔拖繩比狗狗衝埋嚟係佢唔著嘛, 仲想打我波波!!!!!!!!
跟住佢又追住自己隻狗狗係咁打,打,打! 養到咁燥火唔好養啦!
都無mood再行, 所謂十人生九品, 遇到咁嘅人真係不幸 😠,
兼且真係熱到不得了, 我都怕再逗留會中暑, 都係番上平台!
平台上好好風呀, 我比佢哋坐低喺雲石檯上, 等佢哋散下D熱氣, 到佢哋呼吸平靜落嚟, 就抱佢哋番歸, 唔敢再繼續行落去喇, 希望今晚嘅事, 唔會影晌到波波啦!
 |
| 平台今晚好好風呀, 吹住好鬼舒服! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
