今日同朋友A去咗行寵物展, 朋友話weekday會比較少人, 可以慢慢行慢慢睇, 咁都真嘅, 我哋唔駛返工, 無謂同人逼啦!
諗住都係買D小食, 主要係睇吓有乜新產品啦!
本來我係無特定目標要買乜嘢嘅, 但早兩日A見到一樣產品, 話可以比達達豬試吓喎, 我一睇之下, 即刻心動起嚟! 今日主力去見識呢樣嘢!
呢隻產品用上首烏呢款中藥! 我記得叻叻甩毛嗰時, 我帶佢去睇中醫, 佢嘅中藥茶都有制首烏呢隻藥引, 叻叻食咗係明顯見到, 長厚咗D頭毛; 可惜個身就無任何改善, 可能耽誤耐咗, 身體嘅毛囊救唔番!
我希望達達依家嘅情況都未係去到咁壞, 可能對佢會有幫助啦! 不過呢隻係中藥, 如果食用都會同西藥相隔開一段時間, 反正叻叻試過都無壞影晌, 依家我哋都會中西合璧咁去醫病啦; 不過為安全起見, 我都有徵詢過H醫生, 佢無反對食呢個成份, 咁當然都要小心服用量啦!
今日寵物展收穫唔大, 除咗買少量小食, 仲買咗一pack可以循環再用嘅尿布, 仲有樽鹿筋粉, 幾個頭飾等等....
主要想試嘅首烏, 攞咗個sample,因為呢隻係新牌子, 未有口碑可以參考, 都要慢慢研究下, 例如成份比例, 出產地等等, 始終食落肚, 如果唔清唔楚, 好似有D牙煙!
每隻豬仔嘅supplement我都重新調較過, 份量同種類都相應從新編排, 更多謝網友V提醒我, 要比佢哋一個排毒期; 好嘅建議我一定接納嘅, 我已經攪盡腦汁, 花盡心思; 希望今次有良好效果, 真係可以幫到佢哋啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
