希望有突破啦！- 鱉蛋粉 Twinkling Star

希望可以幫到我可愛嘅達達豬仔啦！

今日收到鱉蛋粉喇, 希望對達達豬有幫助啦 :)

同廠家商討過達達嘅問題, 要比咩野配合呢隻鱉蛋粉為最好, 佢唔同意再攝取Pet OPC呢個元素, 但同意加上immunity, 佢話合上呢兩樣產品, 營養攝取就好足夠喇!

佢話鱉蛋粉所提供嘅營養成分非常豐富, 同時含有豐富嘅不飽和脂肪酸, 所以建議如果食用鱉蛋粉, 就可以先停掉攝取魚油呢部份, 咁樣就唔會攝取太多油脂成份, 而造成身體太大負擔!

一於又試下咁嚟配合, 睇下效果會唔會有所突破啦!


今晚都係夜間出動, 同3隻豬仔落街行, 不過比之前稍為早咗少少, 我怕夜嗎嗎睇有無虫虫好困難; 都有放佢哋落地跑咗一陣, 算係比佢哋釋放吓壓力啦！

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！

聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！