中暑?還是醫療失誤?

雖然我唔認識阿B, 但見到係松松唔知點解會特別心痛~
阿B, 一路好走; 願你喺彩虹橋上永遠幸福!

今日喺facebook見到有個post, 一隻4歲健康良好嘅松鼠狗, 出去打預防針, 幾個鐘內就死咗喇, 真係難以接受!!

主人同狗狗打完針, 回程喺車上狗狗又屙又嘔, 仲失晒禁; 主人立刻折返診所, 獸醫話懷疑中暑, 同佢打退燒針&類固醇, 叫留院觀察, 點知一小時後, 狗狗就走咗喇!

主人話佢哋call冷氣車, 照理應該唔會好熱, 佢哋好傷心話要驗屍搵出原因!

http://hk.apple.nextmedia.com/news/art/20120712/16506725

睇住呢段片, 個心感覺好複雜, 見到個主人傷心痛哭, 攪到我都眼濕濕, 個心又好不安, 會係如主人懷疑咁, 係獸醫打針有疏忽? 還是真係中暑呢個原因?

如果係打針問題, 咁嘅結局真係好殘忍, 一個疏忽就害咗條生命, 仲帶比狗主無盡嘅傷痕!
我希望唔會係呢個原因啦, 咁會令到我哋對獸醫無晒信心架!

根本將狗狗交到獸醫手上, 我嘅感覺就好似肉在砧板上, 全賴獸醫係仁心仁術咁視佢如所有寶貴生命, 抑或只係一隻狗, 一隻動物, 而掉以輕心!

如果係中暑問題, 真係好無奈, 照道理全程冷氣, 機會又好微;不過有時我哋嘅感覺又唔同佢哋, 就好似琴晚同2隻豬仔出去, 見佢哋行咗一陣就扯晒氣, 我都有D驚驚哋!

咁熱天時都係唔比佢哋再落地喇, 唔可以接受任何意外, 保住條命仔最為重要, 都係夜間坐車落平台啦!


多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！