避免中暑要夜遊

今晚都唔算好熱, 都伸到脷仔咁長, 有無攪錯呀

近日朋友間輾轉相傳咗好幾單狗狗中暑嘅消息, 自己都睇到有相關嘅報導, 真係令我非常憂慮, 呢個中暑嘅問題; 雖知中暑唔係小意思, 大多數都會失救而死, 真係唔得了呀!
 

我3隻豬仔唔係大型狗狗, 都係無必要冒險去跑街喇! 松鼠仔有名氣管較弱, 加上佢哋又披住一身厚厚嘅皮毛, 我真係唔敢掉以輕心呀, 都係決定夜晚, 再夜D無咁熱嘅時候, 先同佢哋出去行吓啦; 我都係唔會比佢哋落地行, 都係坐住車仔比較保險喇, 等天氣比較涼快, 先納番入正常軌道啦!　　


因為唔行出街, 只喺平台兜吓, 等佢哋睇下外面, 所以就帶埋豆b啦; 今晚再夜D先出去, 可能落過雨, 感覺無咁熱; 都係兜左半個鐘左右, 叫做滿足吓佢哋去街街嘅心願就算喇!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！