 |
| 準備出發睇醫生! |
近來真係好多事, 以為健康唔好嘅問題都劃上一個句號,之前屋企個個都病, 依家都好番晒啦!
點知波波無啦啦都會出事, 好彩之後都算無風無浪, 以為今日帶佢一個去睇醫生架, 點知又輪到豬豆都出問題 :(
豆b一向都有鼻敏感嘅, 佢就算出入廳同房, 都會打乞嗤, 敏感呢個問題, 真係好難根治, 就算食藥, 停咗藥又會番嚟, 我只希望佢一日唔好打咁多次乞嗤啦....點知琴晚隻豬女, 仲打到噴血絲!
我記得舊年, 佢都試過一次, 嗰時又嚇到我死, 好彩醫生話唔駛擔心; 佢話應該係打乞嗤太猛力整傷咗個鼻膜, 如果係流出嚟嘅鼻血, 咁就大問題!
今日波波見醫生, 點都要帶埋佢出去睇喇, 有可能星期六去打針, 天氣真係太熱佢唔適應, 由敏感演變到傷風!
唉! 點解沒完沒了停不了........
豆b一向都有鼻敏感嘅, 佢就算出入廳同房, 都會打乞嗤, 敏感呢個問題, 真係好難根治, 就算食藥, 停咗藥又會番嚟, 我只希望佢一日唔好打咁多次乞嗤啦....點知琴晚隻豬女, 仲打到噴血絲!
我記得舊年, 佢都試過一次, 嗰時又嚇到我死, 好彩醫生話唔駛擔心; 佢話應該係打乞嗤太猛力整傷咗個鼻膜, 如果係流出嚟嘅鼻血, 咁就大問題!
今日波波見醫生, 點都要帶埋佢出去睇喇, 有可能星期六去打針, 天氣真係太熱佢唔適應, 由敏感演變到傷風!
唉! 點解沒完沒了停不了........
 |
| 面上表情咁relax, 以為有街街去:p |
今日去到診所, 波波睇第一個, H醫生同佢好詳細咁檢查,
發覺唔到有大問題! 同佢全身check過, 大力按壓, 佢都無表現痛楚, 睇佢行走都無事, 估計琴日可能係一時嘅神經痛或局部抽筋!
H醫生話暫時一切ok, 唔駛擔心住, 都係叫我觀察住佢, 有無拖住腳仔唔郁得, 又或者頸仔抬起頭有問題!
都可能係我太緊張, 見佢行到舂舂吓, 就嚇到自己失晒方向.....
波波見我咁驚青, 可能係比我嚇驚咗, 所以緊張到條脷仔顏色都變埋!
跟住輪到隻豬豆睇醫生!
佢真係好多鼻水, 多到唔受控制咁滴落嚟, 不過 H醫生同佢check過, 佢除咗敏感都無好大問題, 氣管心跳今日都正常, 體溫都ok, 甚至牙仔都無嚴重牙石問題; 但發覺佢淋巴有D腫咗, 我話佢前兩日去咗打瘋狗針, 咁呢個可能係有關反應嘅事!
不過為防淋巴腫係細菌感染, 就開咗抗生素先, 叫我觀察住佢, 如果清鼻水變咗鼻涕, 就要比佢消炎! 敏感問題都係食抗敏感藥, 都明白係治標無得治本啦!
睇咗醫生先安樂D, 依D診金真係一定要使, 好似醫埋我嘅焦慮症, 唔睇過我好難放得低; 我要點先可以控制到自己唔好胡思亂想啊, 我都唔想咁樣, 更加唔想帶住D負能量!!!!!
有朋友同我講, 我成日諗住唔好嘅嘢會發生, 反而會變成念力, 令事件加快速度發生及產生負能量, 因為"思想創造實相＂!所以唔應該成日想住D負面嘅嘢同唔好嘅畫面....
唉! 我知又可以點樣? 無風無浪都可以唔去諗, 但好似琴日咁, 就嚇到我魂頭都唔齊, 都係要訓練下自己"冷靜", 然後先可以好好咁處理問題!
 |
| 波波睇完醫生, 都好攰喇, 等佢上床瞓一陣! |
 |
| 爸爸抱住達達喺廳睇電視, 咁就放埋隻豬豆上床!原來唔同達達一齊, 豆b relax好多架,可以瞓得著覺,不過隻衰豬唔瞓尿墊, 好曳曳囉 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
