我每星期都有燉鱷魚肉湯比3隻豬仔, 自己就從來無飲過, 對爬虫類有D驚驚哋; 嗰日去買南非急凍嘅鱷魚扒, 售貨員叫我一定要試, 佢話好滋補又唔熱氣, 係上品嚟!
好啦為著想有良好健康問題, 今次孤且一試, 一家大細齊齊飲用啦!
材料：
急凍鱷魚肉: 性味甘，平；入脾、肺經；具健脾補肺、止咳定喘、補血壯骨、補腎固精、止血化瘀和驅除濕邪的功效。 其骨膠原含量高, 營養豐富，有大量的蛋白質和身體必需的氨基酸、不飽和脂肪酸、維生素和多種微量元素，但脂肪含量少。鱷魚體內的一種優化核酸，常食可補氣血、壯筋骨、驅濕邪，對咳嗽、哮喘、風濕、貧血、糖尿病等有較好的輔助功效。
羅漢果: 羅漢果性涼味極甜, 無毒, 入肺脾經, 具有清熱消暑, 潤肺化痰止咳, 滋潤聲帶, 潤腸通便的作用, 可用於肺熱或肺燥咳嗽；感冒引起的喉痛聲沙, 失音, 慢性咽炎, 以及腸燥便秘等.
瘦肉: 提供優質蛋白質和必需的脂肪酸, 提供血紅素, 促進鐵的吸收, 能改善缺鐵性貧血。
南、北杏：杏仁為民間熟識的止咳藥材, 我國以秦嶺和淮河為界, 以北產的為北杏, 以南產的為南杏。北杏仁味微苦, 止咳平喘、潤腸通便, 長於降氣; 而南杏仁味微甘, 潤肺止咳, 長於清潤。兩者合而為湯, 對燥咳、便秘者最有效。
加上陳皮及生薑一片, 一齊煲． *我都係盛起3隻豬嘅湯先落南、北杏, 其實我有見過有中醫開比狗狗嘅藥方係有落呢樣, 不過唔清楚係咪個別情況有咁需要, 所以我都係盛起湯再落穩陣D啦!
