揮一額汗

留喺平台較安心!

今晚食完晚飯, 又同3隻豬仔落街街!

落到樓下完全無風, 諗住等佢哋遊下車河算喇, 轉咗落下一條路, 完全係柳暗花明, 竟然又好好風喎; 於是放波波行先, 工人姐姐就推住兩隻豬女, 喺我背後慢步, 等佢哋吹吓涼風!

波波一落地就往前衝, 呢隻仔真係精力旺盛, 好快已經拋開姐姐同架車仔一段距離; 正當我企喺路邊比佢飲水, 突然身邊有3個男仕, 將我包圍; 我一D都唔驚, 因為街上人來人往, 然後有人同我講

"小姐, 你隻狗好靚呀, 佢有無攞牌", 一時間我無諗佢哋係咩嘢人, 就好快咁照講"有呀", 跟住佢話要掃描晶片, 睇吓有無過期; 到呢個時候我先意會, 佢哋著住制服係來自漁農處, 好快佢哋記錄低波波晶片號碼, 又派比我一份傳單!

我拖住波波繼續往前行, 但真係揮咗一額汗, 回頭同工人姐姐示意, 好彩今次佢都知有D唔對勁, 都識同我保持一段距離! 我用手機同佢溝通, 叫佢行相反方向, 從另外一個門口, 快D番歸!

波波同達達有按時打針同更新牌照, 但今次我都有帶埋豬豆嘛, 好明顯佢已經過晒期! 

佢留喺我度都有一段好長日子喇, 佢媽媽有講過佢係過咗期, 本來都有約過帶佢出去, 點知佢媽媽又密密咁飛, 又要等天公來做美, 太熱落雨又唔想出去, 一拖再拖變咗無了期!

今次之後豬豆要暫時留喺屋企喇, 佢II嘅身份一日未擺脫, 佢都無得出去行街街!
同工人姐姐喺平台會合, 比佢哋坐住車仔喺平台乘涼, 今晚遊樂場有小朋友, 同佢哋過咗另一邊, 我放達達行咗一陣, 對twins嘛, 地方太大, 佢哋喪跑我會攪唔掂, 都係留喺車車吹吓風啦!

豆b同波波玩得太癲唔可以落地!

達達都可以行吓!

本來喺街行得好好哋！

派咗呢張單張比我!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！