今日一早起身, 要做嘅第一件事, 就係睇吓隻豬豆有無好D!
佢忍咗一晚, 今早好急咁去廁所尿尿, 不過都係行得唔算好自然; 食完早餐如常咁去埋便便, 我就等佢休息吓先!
過咗一排, 就開始餵佢飲水喇, 隻豬女都係唔會自動自覺, 好似餵佢係理所當然 :(
今日仲燉咗鱷魚肉湯比佢哋飲, 應該吸收到足夠水份喇卦!
到咗中午, 佢尿尿情況已經回復正常, 雖然偶爾都會行得怪模怪樣, 總算有驚無險咁渡過咗我好擔心嘅72小時!
多得朋友A同我分享佢嘅經驗, 當然更要多謝H醫生!
今日一早我cancelled 咗個booking喇, 如果咁去睇醫生真係笑死人!今日有D嘢做同老公出咗去, 無時間同佢哋去街街; 番到嚟諗吓有乜新奇嘢可以比佢哋玩, 等佢哋無咁悶有D新鮮感呢?
最後比咗個ipad佢哋睇, 佢哋好奇怪點解呢樣嘢會發出聲音, 仲會識叫出佢哋個名!
波波聽到個頭仔側嚟側去, 豆b覺得好疑惑, 達達個樣好似好唔耐煩！睇見佢哋個樣咁趣緻, 其實最開心嗰個係我至真:D
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
