2012年7月18日星期三

純種狗的泣訴-(含中文字幕) - 轉貼

真係為呢D純種狗悲哀, 亦為佢哋嘅主人心痛, 聽到心肝寶貝嘅哀嚎, 情何以堪? 睇到狗狗抽筋嗰種痛苦, 撩起我如有切膚之痛, 好自然諗起我嘅寶貝叻叻!

點解要扭曲晒自然定律, 狗狗好痛苦呀!

更甚嘅係要人道一隻健康嘅狗狗, 只因唔達到參賽嘅要求!! 真係太冷血喇, 點可以稱為人道??

做一隻咁樣嘅純種狗已經夠悲哀, 如果做一隻show dog就更慘無人道, 見到隻German shepherd連行路都好似支撐唔到, 佢竟然係champion; 如果更多人攪到隻狗狗要變成咁, 先叫做靚, 先叫標準,先得冠軍, 真係好殘忍.....
好唔明點解狗會要set得個標準咁奇怪, 一隻show dog唔係應該神神氣氣, 毛色潤澤, 健康良好架咩? 點解要行到拐吓拐吓, 先叫做好???

我唔去評論繁殖者呢個行業, 我深信有具備良心嘅繁殖者; 唔會刻意制做痛苦比狗狗啦, 取長補短, 去繁殖出健康嘅狗狗方為正路, 如果明知故犯真係好陰功!